ഇറ്റലി: കര്ദിനാള് ആഞ്ചെലോ ബാഗ്നാസ്ക്കോയെ കോവിഡ് ബാധയെ തുടര്ന്ന് ആശുപത്രിയില് പ്രവേശിപ്പിച്ചു. ബുഡാപെസ്റ്റ്ില് നടന്ന അന്താരാഷ്ട്ര ദിവ്യകാരുണ്യ കോണ്ഗ്രസില് പങ്കെടുത്തതിന് ശേഷം തിരികെ വന്നപ്പോഴാണ് അദ്ദേഹം കോവിഡ് ബാധിതനാണെന്ന് കണ്ടെത്തിയത്. കഴിഞ്ഞ മെയ് മാസത്തില് ഇ്ദ്ദേഹം കോവിഡ് വാക്സിന് സ്വീകരിക്കുകയും ചെയ്തിരുന്നു. സെപ്തംബര് 28 നാണ് ആശുപത്രിയില് പ്രവേശിപ്പിച്ചത്.
78 കാരനായ കര്ദിനാളിന്റെ ആരോഗ്യസ്ഥിതി തൃപ്തികരമെന്നാണ് ആശുപത്രിവൃത്തങ്ങള് അറിയിച്ചിരിക്കുന്നത്. അടുത്തയിടെയാണ് കര്ദിനാള് റെയ്മണ്ട് ബൂര്ക്കെ കോവിഡ് ബാധിതനായി അപകടനില തരണം ചെയ്തത്.