കാര്‍ലോ ഇന്ന് വാഴ്ത്തപ്പെട്ടവരുടെ നിരയിലേക്ക്…

അസ്സീസി: കമ്പ്യൂട്ടര്‍ ജീനിയസ് കാര്‍ലോ അക്യൂട്ടീസിനെ ഇന്ന് വാഴ്ത്തപ്പെട്ടവനായി പ്രഖ്യാപിക്കും. പ്രാദേശികസമയം രാവിലെ 10.30 നാണ് ചടങ്ങ്.

1991 മെയ് 3 നായിരുന്നു കാര്‍ലോയുടെ ജനനം. 2006 ഒക്ടോബര്‍ 12 ന് ലൂക്കീമിയ രോഗത്തെ തുടര്‍ന്ന് മരണമടഞ്ഞു. പരിമിതമായ ജീവിതകാലം മുഴുവന്‍ ദൈവമഹത്വത്തിന് വേണ്ടിയായിരുന്നു കാര്‍ലോ ജീവിച്ചിരുന്നത്. കളികളെയും സംഗീതത്തെയും കമ്പ്യൂട്ടറുകളെയും സ്‌നേഹിച്ചിരുന്ന കാര്‍ലോ അവയെല്ലാം ദൈവമഹത്വത്തിന് വേണ്ടിയാണ് വിനിയോഗിച്ചത്. ദിവ്യകാരുണ്യങ്ങളുടെ വെബ്‌സൈറ്റ് നിര്‍മ്മിക്കാന്‍ ഈ ചെറുപ്രായത്തിലേ കാര്‍ലോയ്ക്ക് സാധിച്ചിരുന്നു.

പരിശുദ്ധ അമ്മയുടെ വലിയൊരു ഭക്തനുമായിരുന്നു. വിശുദ്ധ കുര്‍ബാനയില്‍ പങ്കെടുക്കാതെയും ദിവ്യകാരുണ്യം സ്വീകരിക്കാതെയും കാര്‍ലോയുടെ ദിനങ്ങള്‍ കടന്നുപോയിരുന്നില്ല. പുതിയ കാലത്തിന്റെ വിശുദ്ധനായിട്ടാണ് കാര്‍ലോയെ തിരുസഭ കാണുന്നത്.

യുവജനങ്ങള്‍ക്ക് ഉയര്‍ത്തിക്കാണിക്കാവുന്ന , അനുകരിക്കാവുന്ന ജീവിതമാതൃക തന്നെയാണ് കാര്‍ലോ അക്യൂട്ടിസിന്റേത്.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.

Leave A Reply

Your email address will not be published.