കാര്‍ലോയുടെ വാഴ്ത്തപ്പെട്ട പദ പ്രഖ്യാപനം ഒക്ടോബര്‍ 10 ന്

അസ്സീസി: കമ്പ്യൂട്ടര്‍ പ്രോഗ്രാമറായ കൗമാരക്കാരന്‍ കാര്‍ലോ അക്യൂട്ടിസിനെ വാഴ്ത്തപ്പെട്ടവനായി ഒ്‌ക്ടോബര്‍ 10 ന് പ്രഖ്യാപിക്കും.

സെന്റ് ഫ്രാന്‍സിസ് ബസിലിക്കയില്‍ വൈകുന്നേരം 4.30 ന് നടക്കുന്ന ചടങ്ങില്‍ വത്തിക്കാന്‍ നാമകരണനടപടികളുടെ തിരുസംഘം തലവന്‍ കര്‍ദിനാള്‍ ആഞ്ചെലോ ബെക്കു വാഴ്ത്തപ്പെട്ടപദ പ്രഖ്യാപനം നടത്തും. ഒക്ടോബര്‍ ഒന്നുമുതല്‍ 17 ദിവസത്തേക്ക് കാര്‍ലോയുടെ കബറിടം സന്ദര്‍ശിക്കാനും പ്രാര്‍ത്ഥിക്കാനും സൗകര്യമൊരുക്കിയിട്ടുണ്ട്.

ദിവ്യകാരുണ്യ എക്‌സിബിഷന്‍,മരിയന്‍ പ്രത്യക്ഷീകരണങ്ങളുടെ എക്‌സിബിഷന്‍ എന്നിവയും ഇതോട് അനുബന്ധിച്ച് ഒരുക്കിയിട്ടുണ്ട്. നിരവധി യൂത്ത് പ്രോഗ്രാമുകളുംസംഘടിപ്പിച്ചിട്ടുണ്ട്. വെര്‍ച്വല്‍ ഗാദറിംങാണ് ഒരുക്കിയിരിക്കുന്നത്. നിങ്ങള്‍ അനുഗ്രഹിക്കപ്പെട്ടവര്‍; സന്തോഷത്തിന്റെ സ്‌കൂള്‍ എന്നതാണ് ഒക്ടോബര്‍ രണ്ടിന് നടക്കുന്ന സമ്മേളനത്തിന്റെ വിഷയം.

കൊറോണ വൈറസ് വ്യാപനപശ്ചാത്തലത്തില്‍ പരിമിതമായ ആളുകള്‍ക്ക് മാത്രമേ ചടങ്ങില്‍ നേരിട്ട്‌ സംബന്ധിക്കാന്‍ സാധിക്കുകയുള്ളൂ.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.

Leave A Reply

Your email address will not be published.