ചെറുപുഷ്പ മിഷന്‍ലീഗ് പ്ലാറ്റിനം ജൂബിലി: ദീപശിഖാ പ്രയാണം ഇന്ന്

പാലാ: ചെറുപുഷ്പ മിഷന്‍ ലീഗ് പ്ലാറ്റിനം ജൂബിലി ആഘോഷങ്ങളോട് അനുബന്ധിച്ച് ഭരണങ്ങാനത്ത് ഇന്ന് പ്ലാറ്റിനം ജൂബിലി വിളംബര ദീപശിഖാപ്രയാണവും സമ്മേളനവും നടത്തും. കോവിഡ് പ്രോട്ടോക്കോള്‍പാലിച്ചായിരിക്കും പരിപാടികള്‍. 2 മണിക്ക് വിശുദ്ധ അല്‍ഫോന്‍സാ കബറിട ദേവാലയത്തില്‍ സമൂഹബലി. 3 ന് ആരംഭിക്കുന്ന സമ്മേളനം ചെറുപുഷ്പ മിഷന്‍ലീഗ് സംസ്ഥാന സഹരക്ഷാധികാരിയും ചങ്ങനാശ്ശേരി അതിരൂപത അധ്യക്ഷനുമായ മാര്‍ ജോസഫ് പെരുന്തോട്ടം ഉദ്ഘാടനം ചെയ്യും. കോട്ടയം അതിരൂപത സഹായമെത്രാന്‍ ഗീവര്‍ഗീസ് മാര്‍ അപ്രേം ജൂബിലി ബാനര്‍ കൈമാറും.

1947 ഒക്ടബോര്‍ മൂന്നിന് ഭരണങ്ങാനത്താണ് ചെറുപുഷ്പമിഷന്‍ലീഗ് ആരംഭിച്ചത്. ഏഷ്യയിലെ ഏറ്റവും വലിയ അല്മായപ്രേഷിത സംഘടനയാണ് ചെറുപുഷ്പ മിഷന്‍ ലീഗ്.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.