ചൈനയില്‍ വിശ്വാസികള്‍ പ്രാര്‍ത്ഥനയ്ക്കായി ഓണ്‍ലൈന്‍ രജിസ്‌ട്രേഷന്‍ നടത്തണമെന്ന് നിയമം

ബെയ്ജിം്ങ്: എല്ലാ മതവിശ്വാസികളുടെയും പ്രാര്‍ത്ഥനാശുശ്രൂഷകള്‍ക്ക് ഓണ്‍ലൈന്‍ രജിസ്‌ട്രേഷന്‍ നിര്‍ബന്ധമാക്കി ചൈനീസ് ഭരണകൂടം. ദേവാലയങ്ങള്‍, ബുദ്ധക്ഷേത്രം, മോസ്‌ക്ക് എന്നിവിടങ്ങളിലെ പ്രാര്‍ത്ഥനകള്‍ക്ക് മുന്‍കൂട്ടി ഭരണകൂടത്തില്‍ നിന്ന് അനുവാദം വാങ്ങാനാണ് ഇത്തരമൊരു നിയമം കൊണ്ടുവന്നിരിക്കുന്നത്. ചൈനഎയ്ഡ് എന്ന മാധ്യമമാണ് ഈ വാര്‍ത്ത റിപ്പോര്‍ട്ട് ചെയ്തിരിക്കുന്നത്.

അപേക്ഷ നല്കുന്ന വ്യക്തിയുടെ പേര്, വ്യക്തിഗതമായ വിവരങ്ങള്‍, ഐഡി, ജനനത്തീയതി തുടങ്ങിയവയെല്ലാം നല്കിയിരിക്കണം. സ്മാര്‍ട്ട് റിലീജിയന്‍ എന്ന ആപ്പ് വഴിയാണ് പേരു രജിസ്ട്രര്‍ ചെയ്യേണ്ടത്. ഹെനാന്‍ പ്രോവിന്‍സിലാണ് ഈ നിയമം അവതരിപ്പിച്ചിരിക്കുന്നത്.

ചൈനയില്‍ ഏറ്റവും കൂടുതല്‍ ക്രൈസ്തവരുള്ള പ്രദേശമാണ് ഇത്. ജനസംഖ്യയില്‍ ചൈനയില്‍ മൂന്നാം സ്ഥാനവും ഹെനാനാണ്. ഇവിടെത്തെക്രൈസ്തവരില്‍ ഭൂരിപക്ഷവും പ്രൊട്ടസ്റ്റന്റുകാരാണ്.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.