ഇംഗ്ലണ്ടിനെ പരിശുദ്ധ അമ്മയുടെ വിമലഹൃദയത്തിന് പുന:സമര്‍പ്പണം നടത്തി


ലണ്ടന്‍: ഇംഗ്ലണ്ടിനെ പരിശുദ്ധ അമ്മയുടെ വിമലഹൃദയത്തിന് സമര്‍പ്പിച്ചു. മാര്‍ച്ച് 29 ന് ഉച്ചയ്ക്കായിരുന്നു ചടങ്ങുകള്‍. കൊറോണ വ്യാപനത്തെതുടര്‍ന്ന് ലോക്ക് ഡൗണ്‍ പ്രഖ്യാപിച്ചിരുന്നതിനാല്‍ വിശ്വാസികള്‍ യൂട്യൂബ് വഴിയാണ് ചടങ്ങുകളില്‍ പങ്കെടുത്തത്.

മൂന്നുവര്‍ഷം മുമ്പാണ് ഇത്തരത്തിലുള്ള ഒരു തീരുമാനം കൈക്കൊണ്ടിരുന്നതെങ്കിലും ഇപ്പോഴാണ് അത് പ്രാബല്യത്തില്‍ വന്നത്. ഈ പുന: സമര്‍പ്പണം മേരിയുടെ സ്ത്രീധനം എന്ന പേരിലാണ് അറിയപ്പെടുന്നത്. പതിനാലാം നൂറ്റാണ്ടുമുതല്ക്കുള്ള പാരമ്പര്യപ്രകാരമാണ് ഇത്തരമൊരു ചടങ്ങ് നടത്തിയത്.

വളരെ പ്രക്ഷുബ്ധമായ ഇന്നത്തെ സാഹചര്യത്തില്‍ ഇംഗ്ലണ്ടിനെ മാതാവിന്റെ വിമലഹൃദയത്തിന് സമര്‍പ്പിച്ചത് ഏറ്റവും ഉചിതമായ പ്രവൃത്തിയായി പരിഗണിക്കപ്പെട്ടുപോരുന്നു. ലൈവ് സ്ട്രീമിങ് വഴിയായി 382,000 ആളുകള്‍ പങ്കെടുത്തതായി സംഘാടകര്‍ പറയുന്നു.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.