ക്ലരീഷന്‍ വൈദികന് മാര്‍പാപ്പയുടെ പ്രത്യേക ബഹുമതി

വത്തിക്കാന്‍ സിറ്റി: ക്ലരീഷ്യന്‍ സന്യാസസമൂഹത്തിന്റെ കേരളത്തിലെ സെന്റ് തോമസ് പ്രോവിന്‍സ് അംഗമായ ഫാ. ജോസ് കൂനംപറമ്പില്‍ സിഎംഎഫിന് പ്രൊ എക്‌ളേസിയ എത്ത് പൊന്തിഫിച്ചേ ബഹുമതി.

ആഗോളസഭയ്ക്കും മാര്‍പാപ്പയ്ക്കും വേണ്ടി സ്തുത്യര്‍ഹ സേവനം ചെയ്യുന്ന സന്യസ്തര്‍ക്കു നല്കുന്ന പരമോന്നത ബഹുമതിയാണ് തിരുസഭയ്ക്കും പരിശുദ്ധപിതാവിനും വേണ്ടി എന്ന അര്‍ത്ഥം വരുന്ന ഈ ബഹുമതി. കോതമംഗലം രൂപത പള്ളിക്കാമുറി കൂനംപറമ്പില്‍ പരേതരായ ജോസഫിന്റെയും അന്നമ്മയുടെയും മകനാണ് ഫാ. ജോസ്.

രണ്ടായിരാമാണ്ട് മുതല്‍ ഫാ. കൂനംപറമ്പില്‍ സുവിശേഷ പ്രഘോഷണ തിരുസംഘത്തില്‍ സഭാ നിയമവിദഗ്ദനായി സേവനം അനുഷ്ഠിക്കുകയാണ്. നിരവധി വൈദിക പരിശീലന കേന്ദ്രങ്ങളില്‍ അധ്യാപകനായി സേവനം ചെയ്തതിന് ശേഷമാണ് വത്തിക്കാനില്‍ സേവനം ആരംഭിച്ചത്.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.