ഗ്രേറ്റ് ബ്രിട്ടന്‍ സീറോ മലബാര്‍ രൂപതയില്‍ ആദ്യശനിയാഴ്ച ആചരണം ഒക്ടോബര്‍ മൂന്നിന്

പ്രസ്റ്റണ്‍: ഗ്രേറ്റ് ബ്രിട്ടന്‍ സീറോ മലബാര്‍ രൂപതയില്‍ ആദ്യശനിയാഴ്ച ആചരണം ഒക്ടോബര്‍ മൂന്നിന് നടക്കും.സാള്‍ട്ട്‌ലി ഔര്‍ ലേഡി ഓഫ് റോസറി ആന്റ് സെന്റ് തെരേസ റോമന്‍ കത്തോലിക്കാ ദേവാലയത്തില്‍ നടക്കുന്ന തിരുക്കര്‍മ്മങ്ങള്‍ CSMEGB യൂട്യൂബ് ചാനലിലും സീറോ മലബാര്‍ എപ്പാര്‍ക്കി ഓഫ് ഗ്രേറ്റ് ബ്രിട്ടന്റെ ഫേസ്ബുക്ക് പേജിലും ലൈവ് സ്ട്രീമിങ് ചെയ്യും.

രാവിലെ പത്തു മണിക്ക് ആരംഭിക്കുന്ന തിരുക്കര്‍മ്മങ്ങളില്‍ വിശുദ്ധ കുര്‍ബാന, കരുണയുടെ ജപമാല, ജപമാലയുടെ 20 ദശകങ്ങള്‍, ദൈവവചനപ്രഘോഷണം, വിശുദ്ധ കുമ്പസാരം എന്നിവയുണ്ടായിരിക്കും. വൈകുന്നേരം അഞ്ചുമണിക്ക് സമാപിക്കും. ബിഷപ് മാര്‍ ജോസഫ് സ്രാമ്പിക്കലും ഫാ. ആന്റണി പറങ്കിമാലില്‍ വിസിയും നേതൃത്വം നല്കും.

എല്ലാ വിശ്വാസികളും ഇതില്‍ പങ്കെടുക്കണമെന്ന് രൂപതാധ്യക്ഷന്‍ ബിഷപ് മാര്‍ ജോസഫ് സ്രാമ്പിക്കല്‍ അഭ്യര്‍ത്ഥിച്ചു.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.

Leave A Reply

Your email address will not be published.