പരിശുദ്ധ അമ്മ നമ്മുടെ സ്വന്തം അമ്മയാണ്. ആ അമ്മയുടെ വാക്കുകള് നമുക്ക് അമ്മയെപോലെ പ്രിയപ്പെട്ടതും പ്രധാനപ്പെട്ടതുമാണ്. കുറച്ചുവാക്കുകള് കൊണ്ട് മാത്രം മഹാകാവ്യം രചിച്ച പരിശുദ്ധ അമ്മയുടേതായി ബൈബിളില് രേഖപ്പെടുത്തിയിരിക്കുന്ന അവസാനത്തെ വാചകം ഏതാണെന്ന് അറിയാമോ.
അവന് നിങ്ങളോട് പറയുന്നത് ചെയ്യുവിന്.
കാനായിലെ കല്യാണവീടിന്റെ പശ്ചാത്തലത്തിലാണ് മാതാവ് ഈ വാചകം പറഞ്ഞതെന്ന് നമുക്കറിയാം. അതിന് ശേഷം മാതാവിന്റേതായി വിശുദ്ധഗ്രന്ഥത്തില് ഒരു വാചകവും രേഖപ്പെടുത്തിയിട്ടില്ല. അന്നും ഇന്നും എന്നും പരിശുദ്ധ അമ്മ പറയുന്നതും അമ്മയ്ക്ക് പറയാനുള്ളതും ഇതേ വാചകം തന്നെയല്ലേ. അവന് പറയുന്നതുപോലെ ചെയ്യുവിന്.
അതെ പരിശുദ്ധ അമ്മയെ നാം സ്നേഹിക്കുന്നുണ്ടെങ്കില്, ആ സ്നേഹം വാക്കുകള്ക്ക് അതീതമായി പ്രവൃത്തിയിലെത്തിക്കണമെന്നുണ്ടെങ്കില് നാം തീര്ച്ചയായും അമ്മയുടെ ആ വാക്കുകള്ക്ക് ചെവികൊടുക്കേണ്ടിയിരിക്കുന്നു. അവന് – ക്രിസ്തു, നമ്മുടെ രക്ഷകന് പറയുന്നതുപോലെ നാം ചെയ്യേണ്ടിയിരിക്കുന്നു.
എന്ന് , എപ്പോള് എങ്ങനെ നാം അവന് പറയുന്നതുപോലെ ചെയ്യാന് തുടങ്ങുന്നുവോ അന്നുമുതല് നമ്മുടെ ജീവിതവും പ്രവര്ത്തനവും ക്രിസ്തുകേന്ദ്രീകൃതമായിത്തീരും. അതുകൊണ്ട് ഇന്നുമുതല് നമുക്ക് അത്തരമൊരു ശ്രമം ആരംഭിക്കാം.
