ലെബനോന് ഫ്രാന്‍സിസ് മാര്‍പാപ്പയുടെ വക 250,000 യൂറോ സംഭാവന

വത്തിക്കാന്‍ സിറ്റി: സ്‌ഫോടനത്തില്‍ വിറങ്ങലിച്ചുനില്ക്കുന്ന ലെബനോന് ആശ്വാസമായി ഫ്രാന്‍സിസ് മാര്‍പാപ്പയുടെ സാമ്പത്തിക സഹായം. 250,000 യൂറോയാണ് പാപ്പ തുടക്കമെന്ന രീതിയില്‍ ലെബനോന് സാമ്പത്തിസഹായം നല്കിയിരിക്കുന്നത്. ഡിസാസ്റ്ററി ഫോര്‍ പ്രമോട്ടിംങ് ഇന്റിഗ്രല്‍ ഹ്യൂമന്‍ ഡവലെപ്പ്‌മെന്റാണ് പാപ്പായുടെ സംഭാവനയെക്കുറിച്ച് അറിയിച്ചത്.

ഗുരുതരമായ പ്രശ്‌നങ്ങളിലൂടെ കടന്നുപോകുന്ന ലെബനോന്‍ ജനതയോടുള്ള മാര്‍പാപ്പയുടെ പിതൃസഹജമായ വാത്സല്യത്തിന്റെയും സ്‌നേഹത്തിന്റെയും കരുതലിന്റെയും ഭാഗമാണ് ഈ സംഭാവനയെന്ന് പ്രസ്താവന വ്യക്തമാക്കി.

കാരിത്താസ് ലെബനോന്‍, കാരിത്താസ് ഇന്റര്‍നാഷനലിസ് എന്നിവയിലൂടെ കത്തോലിക്കാസഭ ലെബനോന്റെ ഇപ്പോഴത്തെ സാഹചര്യത്തില്‍ അടിയന്തിരസഹായം നല്കുന്നുണ്ട്.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.

Leave A Reply

Your email address will not be published.