പാരീസ്: യു എസ് സ്പീക്കര് നാന്സി പെലോസിയുടെ തായ് വാന് സന്ദര്ശനത്തിന്റെ പ്രതികരണമായി ഫ്രാന്സിലെ ചൈനീസ് എംബസി രാഷ്ട്രീയ കാര്ട്ടൂണ് എന്ന മട്ടില് ക്രൈസ്തവ വിരുദ്ധകാര്ട്ടൂണ് ട്വീറ്റ് ചെയ്തു. ചൈനീസ് കലാകാരനും പ്രൊപ്പഗാണ്ടിസ്റ്റുമായ വുഹെഗ്വിലിന് ആണ് ഈ ചിത്രംരചിച്ചിരിക്കുന്നത്.
കാര്ട്ടൂണില് ചിത്രീകരിച്ചിരിക്കുന്ന മന്ത്രവാദിനി പരിശുദ്ധ കന്യാമറിയത്തെ ഓര്മ്മപ്പെടുത്തുന്ന വിധത്തിലാണ്. തൊട്ടിലില് ഉറങ്ങികിടക്കുന്ന ഒരു കുട്ടിയെ റാഞ്ചിയെടുത്തുകൊണ്ടുപോകാന് ശ്രമിക്കുന്ന വിധത്തിലാണ് ആ ചിത്രീകരണം. നക്ഷത്രാവൃതമായ കിരീടമാണ് കന്യാമാതാവിന്റെ പ്രതീതി ഉണ്ടാക്കിയിരിക്കുന്നത്. സ്ത്രീയുടെ മുഖത്തിന് പക്ഷേ നാന്സിപെലോസിയുടെ ഛായയാണ്. ആ സ്ത്രീയെ ആക്രമിക്കാന് ശക്തനായ ഒരു മനുഷ്യന് ചുറ്റികയുമായിനില്ക്കുന്നുമുണ്ട്. ഇത് കമ്മ്യൂണിസത്തിന്റെ പ്രതീകമാണ്.
യുഎസ് പൊളിറ്റിക്സിലെ ഉയര്ന്ന പദവിയില് വിരാചിക്കുന്ന നാന്സി പെലോസി കത്തോലിക്കയാണ്. ജോ ബൈഡന്കഴിഞ്ഞാല് രണ്ടാംസ്ഥാനക്കാരി.
ചൊവ്വാഴ്ച നാന്സി നടത്തിയ തായ് വാന് സന്ദര്ശനത്തെ യുഎസ് ഔദ്യോഗികമായി അംഗീകരിച്ചിട്ടില്ല.