ഇത് ഭാരതത്തിന്റെ മതേതര മനസ്സാക്ഷിയെ ഞെട്ടിച്ച സംഭവം: ആര്‍ച്ച് ബിഷപ് ജോസഫ് കളത്തിപ്പറമ്പില്‍

വരാപ്പുഴ: ഉത്തര്‍പ്രദേശില്‍ ട്രെയിന്‍യാത്രയ്ക്കിടെ മലയാളികള്‍ ഉള്‍പ്പടെയുള്ള കന്യാസ്ത്രീകള്‍ അവഹേളനത്തിന് ഇരയായ സംഭവം ഭാരതത്തിന്റെ മതേതര മനസാക്ഷിയെ ഞെട്ടിപ്പിക്കുന്നതാണെന്ന് വരാപ്പുഴ അതിരൂപത ആര്‍ച്ച് ബിഷപ് ഡോ. ജോസഫ് കളത്തിപ്പറമ്പില്‍.

ഇന്ത്യന്‍ ഭരണഘടന ഉറപ്പുനല്കുന്ന മതസ്വാതന്ത്ര്യത്തിന്മേലുള്ള കടന്നുകയറ്റമാണ് ഈ സംഭവം. ഇന്ത്യയില്‍ എവിടെയും യാത്ര ചെയ്യാനും സ്വന്തം മതവിശ്വാസം അനുസരിച്ച് ജീവിക്കാനുമുള്ള അവകാശത്തെ നിഷേധിക്കുന്നതാണ് ഇത്. സ്ത്രീകളെന്ന പരിഗണന പോലും നല്കാതെയാണ് ജനക്കൂട്ടവിചാരണയ്ക്ക് അവരെ വിട്ടുകൊടുത്തത്. ഇത് തികച്ചും അപലപനീയമാണ്, പ്രശ്‌നത്തില്‍ അടിയന്തിരമായി ദേശീയ മനുഷ്യാവകാശ കമ്മീഷന്‍ ഇടപെടണമെന്നും ആര്‍ച്ച് ബിഷപ് ആവശ്യപ്പെട്ടു

. പ്രതിപക്ഷ നേതാവ് രമേശ് ചെന്നിത്തല, ഉമ്മന്‍ചാണ്ടി തുടങ്ങിയവരും സംഭവത്തില്‍ പ്രതിഷേധം അറിയിച്ചു. രമേശ് ചെന്നിത്തല ഇതുസംബന്ധിച്ച് പ്രധാനമന്ത്രിക്ക് കത്ത് അയ്ക്കുകയും ചെയ്തു.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.
Leave A Reply

Your email address will not be published.