വാഷിംങ്ടണ് ഡിസി: ക്യാപിറ്റോള് ഹില്സ് ഇടവകയ്ക്ക് വെളിയിലുണ്ടായിരുന്ന സാത്താനിക ചുവരെഴുത്തുകള് നൈറ്റ്സ് ഓഫ് കൊളംബസ് നീക്കം ചെയ്തു. സെന്റ് ജോസഫ് ദേവാലയത്തിന്റെ വെളിയില് ഇത്തരമൊരു ചുവരെഴുത്ത് പ്രത്യക്ഷപ്പെട്ടത് ശനിയാഴ്ച രാവിലെയായിരുന്നു.
ഇത് ശ്രദ്ധയില് പെട്ടതിനെ തുടര്ന്ന് നൈറ്റ്സ് ഓഫ് കൊളംബസ് അംഗങ്ങള് സ്ഥലം സന്ദര്ശിക്കുകയും വിശുദ്ധ ജലംകൊണ്ട് അവിടം ശുദ്ധീകരിച്ച് ചുവരെഴുത്ത് വെള്ളം ഉപയോഗിച്ച് കഴുകിക്കളയുകയുമായിരുന്നു. തുടര്ന്ന് ദൈവം അനുഗ്രഹിക്കട്ടെ എന്ന് അവിടെ എഴുതിവയ്ക്കുകയും ചെയ്തു.
അമേരിക്കയില് ഉടനീളം ദേവാലയങ്ങള്ക്ക് നേരെ ആക്രമണം നടക്കുകയും ഇത്തരത്തിലുള്ള ചുവരെഴുത്തുകള് പ്രത്യക്ഷപ്പെടുകയും ചെയ്യുന്നത് സാധാരണ സംഭവമായിക്കഴിഞ്ഞിരിക്കുന്നു.