ഫ്രാൻസിസ് മാർപാപ്പയുടെ രാജ്യത്തേക്കുള്ള അപ്പോസ്തോലിക യാത്രയ്ക്കിടെ സെപ്റ്റംബർ 12-ന് സിംഗപ്പൂരിൽ നടക്കാനിരിക്കുന്ന പേപ്പൽ കുർബാനയിൽ ഇരിപ്പിടങ്ങൾക്കായുള്ള ആവശ്യം പ്രതീക്ഷിച്ചതിലും കവിഞ്ഞതുകൊണ്ട് , രണ്ടാം ബാലറ്റിലൂടെ കൂടുതൽ ടിക്കറ്റുകൾ പുറത്തിറക്കുമെന്നു പ്രമുഖ സംഘാടകർ.
പ്രാരംഭ ബാലറ്റിൽ രജിസ്റ്റർ ചെയ്ത പത്തിൽ ആറ് പേരെങ്കിലും സീറ്റ് ഉറപ്പിക്കാൻ സാധ്യതയുണ്ടെന്ന് പോപ്പ് ഫ്രാൻസിസ് സിംഗപ്പൂർ 2024 ടിക്കറ്റിംഗ് സബ്കമ്മിറ്റിയുടെ തലവൻ ലോറൻസ് ചാൻ പറഞ്ഞു.
ആദ്യ ബാലറ്റിൻ്റെ ഫലങ്ങൾ ഓഗസ്റ്റ് 5 ന് രാവിലെ 10 മണിക്ക് myCatholicSG-യിൽ പ്രഖ്യാപിക്കും. “ഈ റൗണ്ടിൽ പരാജയപ്പെടുന്നവരെ രണ്ടാമത്തെ ബാലറ്റിൽ സ്വയമേവ എൻറോൾ ചെയ്യപ്പെടും,” മിസ്റ്റർ ചാൻ പറഞ്ഞു.
രണ്ടാമത്തെ ബാലറ്റിൻ്റെ രജിസ്ട്രേഷൻ ഓഗസ്റ്റ് 5-ന് രാവിലെ 10-ന് ആരംഭിച്ച് ഓഗസ്റ്റ് 18-ന് രാത്രി 11:59-ന് അവസാനിക്കും, ഫലം ഓഗസ്റ്റ് 19-ന് പ്രസിദ്ധീകരിക്കുമെന്ന് സിംഗപ്പൂർ അതിരൂപതയുടെ ഔദ്യോഗിക പത്രമായ കാത്തലിക് ന്യൂസ് റിപ്പോർട്ട് ചെയ്യുന്നു.
ഉയർന്ന ഡിമാൻഡിന് മറുപടിയായി, സംഘാടകർ നാഷണൽ സ്റ്റേഡിയം അധികൃതരുമായി ചേർന്ന് 6,000 സീറ്റുകൾ കൂടി സൃഷ്ടിക്കുകയും മൊത്തം ശേഷി 48,600 ആയി ഉയർത്തുകയും ചെയ്തു.
ഈ പുതിയ സീറ്റുകൾ അൾത്താരയുടെയും സ്റ്റേജിൻ്റെയും പരിമിതമായ കാഴ്ചകൾ മാത്രമേ കാണുവാൻ സാധിക്കുകയുള്ളു എന്നുള്ളതുകൊണ്ട് , വീഡിയോ സ്ക്രീനുകളിൽ കാണുവാൻ ക്രമീകരണങ്ങൾ ചെയ്യുന്നുണ്ട്.
