സിസ്റ്റര്‍ അലെസാണ്ട്ര ഡിസാസ്റ്ററി ഫോര്‍ പ്രമോട്ടിംങ് ഇന്റഗ്രല്‍ ഹ്യൂമന്‍ ഡവലപ്‌മെന്റിന്റെ സെക്രട്ടറി

വത്തിക്കാന്‍ സിറ്റി: ഡിസാസ്റ്ററി ഫോര്‍ പ്രമോട്ടിംങ് ഇന്റഗ്രല്‍ ഹ്യൂമന്‍ ഡവലപ്‌മെന്റിന്റെ താല്ക്കാലിക സെക്രട്ടറിയായി സിസ്റ്റര്‍ അലെസാണ്ട്ര സ്‌മെറില്ലിയെ ഫ്രാന്‍സിസ് മാര്‍പാപ്പ നിയമിച്ചു. സെക്രട്ടറി, അസിസ്റ്റന്റ സെക്രട്ടറി എന്നീ നിലകളില്‍ പ്രവര്‍ത്തിച്ചിരുന്ന മോണ്‍. ബ്രൂണോ മാരിയും ഫാ. അഗസ്റ്റോയും താന്താങ്ങളുടെ രൂപതകളിലേക്ക് മടങ്ങുന്ന സാഹചര്യത്തിലാണ് ഈ താല്ക്കാലിക നിയമനം.

നിലവില്‍ വത്തിക്കാനിലെ കോവിഡ് 19 കമ്മീഷനില്‍ കര്‍ദിനാള്‍ പീറ്റര്‍ ടര്‍ക്ക്‌സണിനൊപ്പം പ്രവര്‍ത്തിച്ചുവരികയായിരുന്നു സിസ്റ്റര്‍ അലെസാണ്ട്ര.

സലേഷ്യന്‍ സന്യാസിനിസമൂഹാംഗമാണ് സിസ്റ്റര്‍. 1974 ല്‍ ഇറ്റലിയിലാണ് ജനനം. പരിശുദ്ധപിതാവിനോട് താന്‍ കടപ്പെട്ടിരിക്കുന്നുവെന്ന് സിസ്റ്റര്‍ പുതിയ പദവിയെക്കുറിച്ച് പ്രതികരിച്ചു.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.