നേപ്പല്‍സില്‍ വിശുദ്ധ ജാനിയൂരിസിന്റെ രക്തം ദ്രാവകമായി


ഇറ്റലി: ആദിമ സഭയിലെ രക്തസാക്ഷി വിശുദ്ധ ജാനിയൂരിസിന്റെ തിരുശേഷിപ്പായി സൂക്ഷിച്ചിരുന്ന രക്തം ദ്രാവകമായി.

വര്‍ഷത്തില്‍ മൂന്നു തവണ സംഭവിക്കുന്ന ഈ അത്ഭുതം ഇത്തവണ വിശുദ്ധന്റെ തിരുനാള്‍ദിനമായ സെപ്തംബര്‍ 19 ന് രാവിലെ 10.02 നാണ് നടന്നത്. സെപ്തംബര്‍ 19, ഡിസംബര്‍ 16, മെയ് മാസത്തെ ആദ്യഞായറിന് മുമ്പുള്ള ശനി എന്നീ ദിവസങ്ങളിലാണ് നൂറ്റാണ്ടുകളായി ഈ അത്ഭുതം നടന്നുകൊണ്ടിരിക്കുന്നത്. സഭ അംഗീകരിച്ച അത്ഭുതമാണ് ഇത്. 14 ാം നൂറ്റാണ്ടുമുതല്‍ ഈ അത്ഭുതം സംഭവിച്ചുകൊണ്ടിരിക്കുന്നു.

നേപ്പല്‍സിന്റെ മധ്യസ്ഥനാണ് ജാനിയൂരിസ്. ഡയോക്ലീഷന്‍ ചക്രവര്‍ത്തിയുടെ കാലത്ത് രക്തസാക്ഷിത്വം വരിക്കുകയായിരുന്നു.

ദൈവത്തിന്റെ സ്‌നേഹം, കരുണ, അടുപ്പം എന്നിവയുടെ പ്രകടമായ തെളിവാണ് ഈ അത്ഭുതമെന്ന്, രക്തം ദ്രാവകമായ സംഭവത്തിന് സാക്ഷിയായ കര്‍ദിനാള്‍ ക്രെസെന്‍സിയോ സെപ്പെ പറഞ്ഞു.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.

Leave A Reply

Your email address will not be published.