ജര്‍മ്മനിയില്‍ ആക്രമിക്കപ്പെട്ട കന്യാമാതാവിന്റെ രൂപം പുന:സ്ഥാപിച്ചുതരാമെന്ന് ശില്പിയുടെ വാഗ്ദാനം

സ്‌ട്രോബിങ്: ആക്രമിക്കപ്പെട്ട കന്യാമാതാവിന്റെ രൂപം കേടുപാടുകള്‍ തീര്‍ത്ത് പുന:സ്ഥാപിച്ചുതരാമെന്ന് ആര്‍ട്ടിസ്റ്റ് മാര്‍സെല്‍ ഓഫര്‍മാന്റെ വാഗ്ദാനം. കേടുപാടുകള്‍ സംഭവിച്ച രൂപങ്ങളുടെ മിനുക്കുപണിയില്‍ വൈദഗ്ദ്യം നേടിയ വ്യക്തിയാണ് ഇദ്ദേഹം. സ്‌ട്രോബിംങിലെ കന്യാമാതാവിന്റെ രൂപത്തിന്റെ ശിരസ് ഛേദിക്കുകയാണ് അക്രമികള്‍ ചെയ്തത്.

മാതാവിന്റെ രൂപം പഴയതുപോലെ പുന:സ്ഥാപിച്ചുതരുക എന്ന കാര്യം താന്‍ തീരുമാനിച്ചതായി ഒരു അഭിമുഖത്തില്‍ മാര്‍സെല്‍ വ്യക്തമാക്കി. ക്രിസ്തുമസ് കാലത്ത് പണി ആരംഭിച്ച് പുതുവര്‍ഷത്തില്‍ പുന:സ്ഥാപനം നടത്താനാണ് അദ്ദേഹം ഉദ്ദേശിക്കുന്നത്.

വംശവിദ്വേഷത്തിന്റെ വേദിയായി മാറിയിരിക്കുകയാണ് യൂറോപ്പ്. ക്രൈസ്തവര്‍ക്ക് നേരെ അഞ്ഞൂറോളം കേസുകളാണ് കഴിഞ്ഞവര്‍ഷം റിപ്പോര്‍ട്ട് ചെയ്യപ്പെട്ടിരിക്കുന്നത്. ക്രൈസ്തവ ദേവാലയങ്ങള്‍ക്ക് നേരെ നിരവധി ആക്രമണങ്ങളാണ് നടന്നുകൊണ്ടിരിക്കുന്നത്. വെനീസില്‍ സ്ഥാപിച്ചിരുന്ന കന്യാമാതാവിന്റെ രൂപം നവംബര്‍ 26 ന് രാത്രിയില്‍ ആക്രമിക്കപ്പെട്ടിരുന്നു.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.

Leave A Reply

Your email address will not be published.