ആന്ധ്രാപ്രദേശില്‍ ദേവാലയത്തിന് നേരെ ആക്രമണം;വിശുദ്ധ രൂപങ്ങള്‍ തകര്‍ത്തു

ഗോദാവരി: സെന്റ് മേരി മഗ്ദലിന്‍ ദേവാലയത്തിന് നേരെ നടന്ന ആക്രമണത്തില്‍ വിശുദ്ധ രൂപങ്ങള്‍ തകര്‍ക്കപ്പെട്ടു. ദേവാലയത്തിലുണ്ടായിരുന്ന മാതാവിന്റെയും ക്രിസ്തുവിന്റെയും ഉണ്ണിയേശുവിന്റെയും രൂപങ്ങളാണ് തകര്‍ക്കപ്പെട്ടത്.

വിശാഖപ്പട്ടണം അതിരൂപതയൂടെ കീഴിലുള്ളതാണ് ഈ ദേവാലയം. സെപ്തംബര്‍ 23 നാണ് ആക്രമണം നടന്നതെന്ന് തെലുങ്ക് കാത്തലിക് ബിഷപ്‌സ് കൗണ്‍സില്‍ ഡെപ്യൂട്ടി സെക്രട്ടറി ഫാ. അര്‍ലാഗാഡ ജോസഫ് മാധ്യമങ്ങളോട് പറഞ്ഞു. സിസിടിവി ക്യാമറ അന്വേഷണസംഘം പരിശോധിച്ചുവരികയാണ്.

ആന്ധ്ര മുഖ്യമന്ത്രി വൈഎസ്ആര്‍ ജഗന്‍മോഹന്‍ റെഡിയുടെ സര്‍ക്കാരിനെതിരെയുളള പ്രതികരണം എന്ന നിലയില്‍ ഈ സംഭവത്തെ കാണുന്നവരുമുണ്ട്. റെഡി അടുത്തയിടെ ക്രൈസ്തവതീര്‍ത്ഥാടകര്‍ക്ക് ജറുസേലം സന്ദര്‍ശിക്കാന്‍ പ്രത്യേക സബ്‌സീഡി അനുവദിച്ചിരുന്നു.

മതസൗഹാര്‍ദ്ദം തകര്‍ക്കാനുള്ള ശ്രമങ്ങളുടെ ഭാഗമാണ് ഇത്തരം ആക്രമണങ്ങളെന്ന് ഫാ. ജോസഫ് ആരോപിച്ചു.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.

Leave A Reply

Your email address will not be published.