വത്തിക്കാൻ സ്റ്റേറ്റ് സെക്രട്ടറി, കർദ്ദിനാൾ പിയട്രോ പരോളിൻ, റഷ്യൻ പ്രദേശത്തിനുള്ളിൽ ഉക്രെയ്നിൻ്റെ സമീപകാല സൈനിക മുന്നേറ്റങ്ങളെക്കുറിച്ച് ആശങ്ക പ്രകടിപ്പിക്കുകയും, നടപടികൾ യുദ്ധം കൂടുതൽ വഷളാക്കുമെന്ന് മുന്നറിയിപ്പ് നൽകുകയും ചെയ്തു.
ഓഗസ്റ്റ് 11-ന് ഞായറാഴ്ച , ഹോളി സീയുടെ ഔദ്യോഗിക വാർത്താ ഔട്ട്ലെറ്റ് വത്തിക്കാൻ ന്യൂസ് റിപ്പോർട്ട് ചെയ്തത് അനുസരിച്ച് ഇറ്റലിയിലെ അസീസിയിൽ പത്രപ്രവർത്തകരോട് പരോളിൻ പറഞ്ഞത് ഇപ്രകാരമാണ്
“ഇത് വളരെ ആശങ്കാജനകമായ സംഭവവികാസങ്ങളാണ്, കാരണം പുതിയ മുന്നണികൾ തുറക്കുക എന്നാണ് ഇതിനർത്ഥം”
“ഈ അർത്ഥത്തിൽ, സമാധാനത്തിനുള്ള സാധ്യതകൾ കൂടുതൽ വിദൂരമാകാം,” പരോളിൻ മുന്നറിയിപ്പ് നൽകി.
സെൻ്റ് ക്ലെയർ ഓഫ് അസ്സീസിയിലെ ബസിലിക്കയിൽ വിശുദ്ധൻ്റെ തിരുനാൾ ദിനത്തോടനുബന്ധിച്ച് കുർബാന അർപ്പിച്ചാണ് കർദ്ദിനാൾ സ്റ്റേറ്റ് സെക്രട്ടറി ഈ അഭിപ്രായപ്രകടനം നടത്തിയത്. വത്തിക്കാൻ ന്യൂസ് പറയുന്നതനുസരിച്ച്, “കൂടുതൽ സ്നേഹമില്ലാത്തതും അതേ സമയം സ്നേഹത്തിനായി ദാഹിക്കുന്നതുമായ ഒരു ലോകത്ത്” സ്നേഹത്തിൻ്റെ ആവശ്യകത ഉയർത്തിക്കാട്ടിക്കൊണ്ട് അദ്ദേഹം തൻ്റെ പ്രസംഗത്തിനിടെ യുദ്ധത്തെക്കുറിച്ചും സംസാരിച്ചു.
