Related Posts
വത്തിക്കാന്‍ സിറ്റി: അഡ്മിനിസ്‌ട്രേഷന്‍ ഓഫ് ദ പാട്രിമണി ഓഫ് ദ അപ്പസ്‌തോലിക് സീയുടെ സെക്രട്ടറിയായി ഫാബിയോ ഗാസ്‌പെറിനിയെ ഫ്രാന്‍സിസ് മാര്‍പാപ്പ നിയമിച്ചു. ചരിത്രത്തില്‍ ആദ്യമായിട്ടാണ് പ്രസ്തുത പദവിയിലേക്ക് ഒരു അല്മായന്‍ നിയമിതനാകുന്നത്. മോണ്‍. മൗറോ റിവെല്ലയുടെ അഞ്ചുവര്‍ഷ കാലാവധി ഏപ്രിലില്‍ അവസാനിച്ചതിനെ തുടര്‍ന്നാണ് പുതിയ നിയമനം. ബാങ്കിംങ്,സാമ്പത്തിക മേഖലകളില്‍ കഴിഞ്ഞ ഇരുപത്തിയഞ്ച് വര്‍ഷമായി വ്യക്തിമുദ്ര പതിപ്പിച്ച വ്യക്തിയാണ് ഫാബിയോ.
ഇന്‍വെസ്റ്റ്‌മെന്റ് ബാങ്കിംങ്, ഇന്‍ഷുറന്‍സ്, കാപ്പിറ്റല്‍ മാര്‍ക്കറ്റ് എന്നിവയില്‍ ശ്രദ്ധ പതിപ്പിച്ചിരിക്കുന്ന ഇദ്ദേഹം ലോകത്തിലെ വിവിധ സാമ്പത്തിക സ്ഥാപനങ്ങളില്‍ അഡൈ്വസറാണ്.
