കുരിശിന്റെ വഴി പ്രാര്‍ത്ഥനയില്‍ പരിശുദ്ധ മറിയത്തെ കൂട്ടുവിളിക്കൂ

നോമ്പുകാലത്തിലെ ആദ്യ വെള്ളിയിലേക്ക് നാം നാളെ കടക്കുകയാണ്. പതിവുപോലെ കുരിശിന്റെ വഴി പ്രാര്‍ത്ഥന ദേവാലയങ്ങളിലും സമൂഹത്തിലും കുടുംബത്തിലും നാം നടത്തുകയും ചെയ്യും.

എന്നാല്‍ ഈ പ്രാര്‍ത്ഥന നടത്തുമ്പോള്‍ നാം ഒരിക്കലും മറന്നുപോകരുതാത്ത ഒരാളുണ്ട്.പരിശുദ്ധ കന്യാമറിയം. അമ്മയെ നാം ഈ പ്രാര്‍ത്ഥനയ്ക്ക് തുടക്കത്തില്‍ തന്നെ വിളിക്കണം. കാരണം ഈശോയുടെ കുരിശിന്റെ വഴിയില്‍ ആദ്യാവസാനം കൂടെ ഉണ്ടായിരുന്ന വ്യക്തിയായിരുന്നുപരിശുദ്ധ കന്യാമറിയം. ആ കുരിശിന്റെ വഴിയുടെ വേദന മുഴുവന്‍ സ്വന്തം ഹൃദയത്തില്‍ പേറിയവള്‍.

അതുകൊണ്ടുതന്നെ നാം നടത്തുന്ന കുരിശിന്റെ വഴി പ്രാര്‍ത്ഥനയില്‍ നിര്‍ബന്ധമായും അമ്മയുടെ മാധ്യസ്ഥം തേടിയിരിക്കണം. അമ്മയെ ക്ഷണിച്ചിരിക്കണം. അമ്മ തീര്‍ച്ചയായും നമ്മെ സഹായിക്കും. അമ്മയുടെ കൈകളിലേക്ക് നമുക്ക് പ്രത്യേക നിയോഗങ്ങള്‍ സമര്‍പ്പിക്കുകയും ചെയ്യാം.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.