കോട്ടയം: ദീപികയുടെയും അനുബന്ധ പ്രസിദ്ധീകരണങ്ങളുടെയും ചീഫ് എഡിറ്ററായി റവ ഡോ. ജോര്‍ജ് കുടിലില്‍ നിയമിതനായി. മധ്യപ്രദേശിലെ സത്‌ന സെന്റ് എഫ്രേംസ് തിയളോജിക്കല്‍ കോളജില്‍ പ്രഫസറായിരിക്കവെയാണ് പുതിയ നിയമനം ഇദ്ദേഹത്തെ തേടിയെത്തിയിരിക്കുന്നത്.
ഇംഗ്ലീഷ്, ഫ്രഞ്ച്, ജര്‍മ്മന്‍, ഇറ്റാലിയന്‍, ഗ്രീക്ക്, ഹീബ്രു ഭാഷകളില്‍ പാണ്ഡിത്യമുള്ള ഇദ്ദേഹം പത്തു ഗ്രന്ഥങ്ങളുടെ കര്‍ത്താവാണ് ദീപിക കണ്ണൂര്‍ റസിഡന്റ് മാനേജര്‍, തലശ്ശേരി അതിരൂപത ബൈബിള്‍ അപ്പോസ്തലേറ്റ് ഡയറക്ടര്‍, അതിരൂപത ചാന്‍സല്‍ തുടങ്ങിയ പദവികളും വഹിച്ചിട്ടുണ്ട്.
മാതാപിതാക്കള്‍ എടൂര്‍ കുടിലില്‍ ആഗസ്തി- റോസമ്മ ദമ്പതികള്‍.
