ദൈവം ക്ഷമിക്കുമോ..എല്ലാവരുടെയും ഉള്ളിലുള്ള സംശയങ്ങളിലൊന്നാണ് ഇത്. നാം പാപികളായതുകൊണ്ട് , നാം വീണ്ടും വീണ്ടും പാപം ചെയ്യുന്നതുകൊണ്ട്ദൈവം നമ്മോട് ക്ഷമിക്കുമോ. ക്ഷമിക്കും എന്നതിന് വിശുദ്ധ ഗ്രന്ഥം തന്നെ ഉത്തരം നല്കുന്നുണ്ട്. ഹെബ്രാ 10:17 ല് നാം ഇങ്ങനെ വായിക്കുന്നു അവിടുന്ന് തുടരുന്നു, അവരുടെ ദുഷ്പ്രവൃത്തികളും പാപങ്ങളും ഞാനിനി ഒരു കാരണവശാലും ഓര്മ്മിക്കുകയില്ല.
ദൈവം ക്രിസ്തുവഴി നിങ്ങളോടു ക്ഷമിച്ചതുപോലെ നിങ്ങളും പരസ്പരം ക്ഷമിച്ചും കരുണകാണിച്ചും ഹൃദയാര്ദ്രതയോടെ പെരുമാറുവിന് ( എഫേ 4;32)
മറ്റുള്ളവരുടെ തെറ്റുകള് നിങ്ങള് ക്ഷമിക്കുമെങ്കില് സ്വര്ഗ്ഗസ്ഥനായ പിതാവ് നിങ്ങളോടും ക്ഷമിക്കും. മറ്റുള്ളവരോട് നിങ്ങള് ക്ഷമിക്കുകയില്ലെങ്കില് നിങ്ങളുടെ പിതാവ് നിങ്ങളുടെ തെറ്റുകളും ക്ഷമിക്കുകയില്ല.( മത്താ: 6;14)
അതിനാല് നിങ്ങളുടെ പാപങ്ങള് മായിച്ചുകളയാന് പശ്ചാത്തപിച്ചു ദൈവത്തിലേക്ക് തിരിയുവിന് ( അപ്പ.പ്ര 3;19-20)
ഈ തിരുവചനങ്ങളെല്ലാം ദൈവം ക്ഷമിക്കും എന്നതിന്റെ തെളിവുകളാണ്. പക്ഷേ ഈ വചനങ്ങളില് ചില നിബന്ധനകള് കൂടിയുണ്ട്. നാം പശ്ചാത്തപിക്കണം, നാം മറ്റുള്ളവരോടും ക്ഷമിക്കണം. അതെ മറ്റുള്ളവരോട് ക്ഷമിച്ചും പശ്ചാത്തപിച്ചും നമുക്ക് പാപമോചനത്തിനായി അപേക്ഷിക്കാം.
