ലോകത്തിന്റെ മുഴുവന്‍ കണ്ണും ഇപ്പോള്‍ .യു്‌ക്രെയ്‌ന് നേരെയാണ്. അതുകൊണ്ടുതന്നെ യുക്രെയ്‌നില്‍ നിന്നുളള എന്തും വാര്‍ത്തയാകാറുമുണ്ട്. ഇപ്പോഴിതാ യുക്രെയ്‌നില്‍ നിന്നുള്ള ഒരു വീഡിയോ വൈറലായി മാറിയിരിക്കുകയാണ്.ഫെബ്രുവരി 24 നാണ് ഫേസ്ബുക്കില്‍ ഈ വീഡിയോ പോസ്റ്റ് ചെയ്തിരിക്കുന്നത്.
യുക്രെയ്‌നിലെ ഒരു ദേവാലയത്തില്‍ വിശുദ്ധ ബലി അര്‍പ്പിക്കപ്പെടുകയാണ്. വിശുദ്ധജലം വൈദികന്‍ തളിക്കുന്ന നേരത്ത് പരിശുദ്ധ ത്രീത്വത്തിന്റെ ചിത്രത്തിന് മുകളിലായി ഒരു പ്രാവ് വന്നിരിക്കുന്നതാണ് വീഡിയോയിലുള്ളത്. പ്രാവിനെ പരിശുദ്ധാത്മാവിന്റെ പ്രതീകമായിട്ടാണ് വിശ്വസിക്കുന്നത്.
ത്രീത്വത്തിലെ മൂന്നാമത്തെ ആളാണല്ലോ പരിശുദ്ധാത്മാവ്. പ്രാവ് സമാധാനത്തിന്റെയും സൂചകമാണ്. അതുകൊണ്ടുതന്നെ ദൈവം സമാധാനം ആഗ്രഹിക്കുന്നുവെന്നതിന്റെ പ്രകടമായ തെളിവാണ് തിരുക്കര്‍മ്മത്തിനിടയിലെ പ്രാവിന്റെ കടന്നുവരവ് എന്ന് വി്ശ്വസിക്കുന്നവര്‍ ധാരാളം.
യുക്രെയ്‌ന്റെ സമാധാനത്തിന് വേണ്ടി നമുക്ക് പ്രാര്‍ത്ഥിക്കാം.
