തിരുപ്പട്ടം സ്വീകരിക്കാത്തവരും കത്തോലിക്കാസഭ ഔദ്യോഗികമായി അംഗീകരിച്ചിട്ടുള്ള സന്യാസസഭകളിലെ അംഗങ്ങളല്ലാത്തവരുമായ ക്രിസ്തീയവിശ്വാസികളാണ് അല്മായര്.
അവര്‍ സഭയിലും ലോകത്തിന് മുമ്പിലും സകല ക്രൈസ്തവജനതയ്ക്കുമുള്ള ദൗത്യത്തില്‍ തങ്ങളുടേതായ രീതിയില്‍പൗരോഹിത്യ- പ്രവാചക-രാജകീയ ധര്‍മ്മത്തില്‍പങ്കുചേരേണ്ടവരുമാണ്.
ദൈവത്താല്‍ പ്രത്യേകമായ വിധത്തില്‍ തിരഞ്ഞെടുക്കപ്പെട്ട ഇസ്രായേല്‍ ജനത്തെപോലെ തന്നെ പുതിയ ഇസ്രായേലായ സഭയില്‍ ഓരോ ക്രൈസ്തവനും ഈ ലോകത്തിന് മുമ്പില്‍ ഈശോയുടെ സുവിശേഷത്തിന് തങ്ങളുടെ ജീവിതത്തിലൂടെ സാക്ഷ്യം നല്‍കുവാനും ജീവിക്കുന്ന ഒരു സുവിശേഷമായിത്തീരുവാനും പ്രത്യേകം കടപ്പെട്ടിരിക്കുന്നു.
