എത്രയോ തവണ ഇതിനകം നാം കുമ്പസാരിച്ചിരിക്കുന്നു. ഇനിയും ആയുസുണ്ടെങ്കില്‍ എത്രയോ തവണ കുമ്പസാരിക്കാനിരിക്കുന്നു. പക്ഷേ കുമ്പസാരം വഴി നമ്മുടെ ജീവിതത്തില്‍ ലഭിച്ചിരിക്കുന്ന നന്മകള്‍, സംഭവിക്കുന്ന കൃപകള്‍ അവയെക്കുറിച്ച് എപ്പോഴെങ്കിലും നാം ധ്യാനിച്ചിട്ടുണ്ടോ.. മനസ്സിലാക്കിയിട്ടുണ്ടോ..
- കുറ്റബോധത്തില്‍ നിന്ന് കൃപയിലേക്കുള്ള പാലമാണ് കുമ്പസാരം
എന്നും കുറ്റബോധത്തിന്റെ വഴിയില്‍ നമ്മെ തളച്ചിടാനാണ് സാത്താന്‍ ശ്രമിക്കുന്നത്. പക്ഷേ കുമ്പസാരം വഴി കുറ്റബോധം അകന്നുപോവുകയും കൃപയില്‍ നാം സ്‌നാനം ചെയ്യപ്പെടുകയും ചെയ്യുന്നു
- പ്രായശ്ചിത്തങ്ങള്‍ നമുക്ക് സ്വാതന്ത്ര്യം നല്കുന്നു കു്മ്പസാരത്തിന് ശേഷം നാം ചെയ്യുന്ന പ്രായശ്ചിത്തപ്രവൃത്തികളിലൂടെ, പരിഹാരമാര്‍ഗ്ഗങ്ങളിലൂടെ നാം ആത്മീയമായ സ്വാതന്ത്ര്യം പ്രാപിക്കുന്നു.
- ദൈവത്തിന്റെ സ്‌നേഹം നമ്മുടെ ലജ്ഞ തുടച്ചുനീക്കുന്നു
ദൈവത്തിന്റെ അപരിമേയമായ സ്‌നേഹം പാപത്തെയോര്‍ത്തുള്ള നമ്മുടെ ലജ്ജ നീക്കിക്കളയുന്നു. ഓരോ കുമ്പസാരത്തിലൂടെയും നാം ദൈവസ്‌നേഹം അനുഭവിച്ചറിയുന്നു.
