ടൂറിൻ ആവരണത്തിലെ രക്തം വിശകലനം ചെയ്യുന്ന ഒരു ഇറ്റാലിയൻ ഗവേഷകനിൽ നിന്നുള്ള ഒരു പുതിയ പഠനം അനുസരിച്ച് സുവിശേഷങ്ങളിൽ വിവരിച്ചിരിക്കുന്നതുപോലെ, യേശുക്രിസ്തുവിൻ്റെ പീഡനത്തിന്റെയും ക്രൂശീകരണത്തിന്റെയും പാടുകൾ പൊരുത്തപ്പെടുന്നതായി അവകാശപ്പെടുന്നു..
പാദുവ യൂണിവേഴ്‌സിറ്റിയിലെ മെക്കാനിക്കൽ, തെർമൽ മെഷർമെൻ്റുകളുടെ പ്രൊഫസറായ ഗിയുലിയോ ഫാൻ്റി ആണ് ഇതേക്കുറിച്ച് അവകാശപ്പെടുന്നത്. രക്തക്കറകളുടെ മൈക്രോസ്‌കോപ്പിക് വിശകലനം “യേശുക്രിസ്തുവുമായി ബന്ധപ്പെട്ട ശാരീരിക അവസ്ഥകളെ” കൃത്യമായി പ്രതിഫലിപ്പിക്കുന്നു. അത് ബൈബി ളിലും പ്രത്യേകിച്ച്‌ , നാല് കാനോനിക സുവിശേഷങ്ങൾക്കുള്ളിലും വിശദികരിച്ചിരിക്കുന്നതുപോലെയുള്ള വിവരണവുമായി പൊരുത്തപ്പെടുന്നു” എന്നാണ്.
ഷ്രൗഡ് ഓഫ് ടൂറിനിനെക്കുറിച്ച് ഫാൻ്റി 50-ലധികം പഠനങ്ങൾ എഴുതിയിട്ടുണ്ട്. കൂടാതെ ഈ വിഷയത്തിൽ പുസ്തകങ്ങളും പ്രസിദ്ധീകരിച്ചിട്ടുണ്ട്. കുരിശിലെ മരണശേഷം ക്രിസ്തുവിൻ്റെ ശരീരം പൊതിയാൻ ഉപയോഗിച്ചതായി പലരും വിശ്വസിക്കുന്ന ഒരു ശ്മശാന തുണി, കഴിഞ്ഞ ഏതാനും ദശാബ്ദങ്ങളിൽ കാര്യമായ അക്കാദമിക് ചർച്ചകൾക്ക് വിഷയമായിരുന്നു. ചിലർ അതിൻ്റെ ആധികാരികതയെ ന്യായീകരിക്കുകയും മറ്റുചിലർ അതിനെക്കുറിച്ച് തർക്കിക്കുകയും ചെയ്യുന്നു.
മുൾക്കിരീടം ധരിച്ച പുരുഷൻ്റെ ശരീരവും മുഖവും ആവരണത്തിൽ പതിഞ്ഞിട്ടുണ്ട്. അത് രക്തക്കറകളാൽ മൂടപ്പെട്ടിരിക്കുന്നു. ഇറ്റലിയിലെ ടൂറിനിലെ ഹോളി ഷ്രോഡിൻ്റെ ചാപ്പലിലാണ് ഇത് വെച്ചിരിക്കുന്നത് .അവിടെ നിരവധി കത്തോലിക്കർ ക്രിസ്തുവിൻ്റെ ക്രൂശീകരണത്തിൻ്റെ വിശുദ്ധ തിരുശേഷിപ്പായി അതിനെ ആരാധിക്കുന്നു. അതിൻ്റെ ആധികാരികത സംബന്ധിച്ച് വത്തിക്കാനു ഒരു ഔദ്യോഗിക നിലപാടില്ല.
ഫാൻ്റിയുടെ പഠനമനുസരിച്ച്, ആവരണത്തിൻ്റെ വശത്തും മുൻവശത്തും ഉള്ള രക്തക്കറകൾ മൂന്ന് വ്യത്യസ്ത ദിശകളിലേക്ക് രക്തം ഒഴുകുന്നതായി കാണിക്കുന്നു: ശരീരം നേരായ സ്ഥാനത്ത്, 45 ഡിഗ്രി കോണിൽ ചരിഞ്ഞ്, തിരശ്ചീനമായി മൃതദേഹം അതിൻ്റെ വശത്ത് കിടക്കുന്നു. . ഫോണ്ടി ഉറപ്പിച്ചു പറയുന്നു: “ രക്തത്തതിന്റെ ഒറ്റ ഒഴുക്ക് അവയുടെ ദിശയിൽ പെട്ടെന്നുള്ള മാറ്റം കാണിക്കുന്നു; മൃതദേഹം നീക്കുമ്പോൾ രക്തപ്രവാഹം ഒഴുകാൻ സാധ്യതയുണ്ട്.
2015 ജൂൺ 21-ന് ഇറ്റലിയിലെ ടൂറിനിലുള്ള സെൻ്റ് ജോൺ ദി ബാപ്റ്റിസ്റ്റ് കത്തീഡ്രലിൽ ഫ്രാൻസിസ് മാർപാപ്പ.
