വാഷിംങ്ടണ്‍: ഓരോ കുഞ്ഞും അമൂല്യമാണെന്നും ദൈവത്തില്‍ നിന്നുള്ള വിശുദ്ധമായ സമ്മാനമാണെന്നും അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്.
പതിനായിരങ്ങള്‍ പങ്കെടുത്ത മാര്‍ച്ച് ഫോര്‍ ലൈഫിനെ അഭിസംബോധന ചെയ്ത് സംസാരിക്കുകയായിരുന്നു ട്രംപ്. ജനിച്ച കുഞ്ഞുങ്ങളുടെയും ജനിക്കാനിരിക്കുന്ന കുഞ്ഞുങ്ങളുടെയും മൂല്യത്തെക്കുറിച്ചായിരുന്നു ട്രംപ് സംസാരിച്ചത്. അജാത ശിശുക്കള്‍ ദൈവസൃഷ്ടിയുടെ മഹത്വമാണ് വെളിവാക്കുന്നത്. ഓരോ മനുഷ്യജീവന്റെ മഹത്വവും വിശുദ്ധിയും കാത്തുസൂക്ഷിക്കാന്‍ നമുക്ക് ഒത്തൊരുമിച്ച് പ്രവര്‍ത്തിക്കാം. ഓരോ കുഞ്ഞും കുടുംബത്തിലേക്ക് സന്തോഷമാണ് നല്കുന്നത്. ഗര്‍ഭാവസ്ഥയിലുള്ള ഒരു കുഞ്ഞിന്റെ ചിത്രം കാണുമ്പോള്‍ നാം ദൈവസൃഷ്ടിയുടെ മഹത്വത്തെക്കുറിച്ചാണ് ചിന്തിക്കുന്നത്. ട്രംപ് പറഞ്ഞു.
മാര്‍ച്ച് ഫോര്‍ ലൈഫിന്റെ ചരിത്രത്തില്‍ ആദ്യമായിട്ടാണ് നിലവിലുള്ള ഒരു പ്രസിഡന്റ് പ്രോഗ്രാമില്‍ പങ്കെടുക്കുന്നതും സംസാരിക്കുന്നതും.
