നാന്യാങ്: കോവിഡ് ബാധയില് നിന്ന് വിമുക്തനായ ചൈനയിലെ ഏറ്റവും പ്രായം കൂടിയ വ്യക്തി ബിഷപ് എമിരത്തൂസ് ജോസഫ് സു ബാവോയു ദിവംഗതനായി. 99 വയസായിരുന്നു.
ഫെബ്രുവരിയിലാണ് ഇദ്ദേഹം കോവിഡ് ബാധിതനായത്. പക്ഷേ വൈദ്യശാസ്ത്രത്തെ അത്ഭുതപ്പെടുത്തിക്കൊണ്ട് അദ്ദേഹം രോഗവിമുക്തിനേടിയിരുന്നു. മാധ്യമങ്ങളില് വലിയ ശ്രദ്ധനേടിയതായിരുന്നു ഇദ്ദേഹത്തിന്റെ രോഗസൗഖ്യം.
1921 ജൂലൈ രണ്ടിനാണ് ജനനം. ആറാം വയസില് പിതാവിനെ നഷ്ടമായി. എട്ടാം വയസില് മാമ്മോദീസാ സ്വീകരണം. 1946 ല് സെമിനാരി പഠനം ആരംഭിച്ചു. 1957 ല് വൈദികനായി. 1981 ല് പത്തുവര്ഷത്തെ ജയില്വാസത്തിന് കമ്മ്യൂണിസ്റ്റ് ഭരണകൂടം അദ്ദേഹത്തെ വിധിച്ചു.
2010 ല് വത്തിക്കാന്റെ അനുവാദത്തോടെ അദ്ദേഹം മെത്രാന്സ്ഥാനത്ത് നിന്ന് രാജിവച്ചു.
