നവംബറിലേക്ക് നാം പ്രവേശിക്കുകയാണ്. കത്തോലിക്കാസഭയെ സംബന്ധിച്ച് നവംബര് മരിച്ചുപോയവരെ പ്രത്യേകമായി അനുസ്മരിക്കുന്ന മാസമാണ്. അവര്ക്കായി പ്രാര്ത്ഥനകള് സവിശേഷമായവിധത്തില് ഉയര്ത്തുന്ന ദിവസങ്ങളാണ്.
ഈ അവസരത്തില് മരണത്തെക്കുറിച്ചുള്ള നമ്മുടെ സമീപനം എന്തായിരിക്കണമെന്നും എപ്രകാരമായിരിക്കണമെന്നും മനസ്സിലാക്കുന്നത് നല്ലതാണ്. കത്തോലിക്കാസഭയുടെ മതബോധന ഗ്രന്ഥത്തില്അതേക്കുറിച്ച്പറയുന്നത് ഇപ്രകാരമാണ്.
ക്രിസ്തുവിന്റെ കൃപാവരത്തില്മരിക്കുന്നവരുടെ മരണം കര്ത്താവിന്റെ മരണത്തിലുള്ള ഭാഗഭാഗിത്വമാണ്. അതിനാല് അവര്ക്ക് അവിടുത്തെ ഉത്ഥാനത്തിലും പങ്കുചേരാന്സാധിക്കും.( സിസിസി 1006)
ഓരോമനുഷ്യന്റെയും അനിവാര്യമായ വിധിയാണ് മരണം.മരണത്തോടെ വ്യക്തിപരമായ ജീവിതം രൂപാന്തരവിധേയമാകുന്നു. മരണം നിത്യജീവനിലേക്കുള്ള ഉയിര്പ്പിന്റെ കവാടമായതിനാല് അതിനെ ബോധപൂര്വ്വമാണ് നാം സമീപിക്കേണ്ടത്. അതായത് മരണത്തെ വിശ്വാസത്തോടും ശാന്തതയോടും ഒരുക്കത്തോടും കൂടി സമീപിക്കുക.
