മലയാളികളെ പ്രാര്ത്ഥിക്കാന് പഠിപ്പിച്ച ഗാനങ്ങളാണ് ഗോഡ്സ് മ്യൂസിക്കിന്റേത്. ഇതിന്റെ അമരക്കാരായ എസ് തോമസിന്റെയും ലിസിയുടെയും ഗാനങ്ങളിലൂടെ കടന്നുപോകുന്ന സ്ഥിരം ശ്രോതാവ് തിരിച്ചറിയുന്ന സത്യമാണ് അത്. ലളിതമായ വരികള്. ഹൃദ്യമായ ഈണം. സ്വന്തം കഴിവിനെ ആശ്രയിക്കാതെ ദൈവത്തില് ആശ്രയിച്ചാണ് ഈ ഗാനദമ്പതികള് തങ്ങളുടെ രചനകള് നിര്വഹിച്ചിരിക്കുന്നത്.
അതുകൊണ്ടുതന്നെ അലൗകികമായ ഒരുതലം ഈ ഗാനങ്ങളിലെല്ലാമുണ്ട്. അനുവാചകനെ കുറച്ചുകൂടി ദൈവാഭിമുഖമാക്കുവാന്, വചനബന്ധിയായ ജീവിതം നയിക്കാന് സഹായിക്കുകയും പ്രേരിപ്പിക്കുകയും ചെയ്യുന്ന ഗാനങ്ങളാണ് ഇവരുടേത്. ഈ പൊതുതത്വം ഒരിക്കല്ക്കൂടി ബാധകമായിരിക്കുകയാണ് ഇരുന്നാല് അവന്വിളമ്പും എന്ന ഏറ്റവും പുതിയ ഗാനത്തില്.
അഞ്ചപ്പവും രണ്ടുമീനും കൊണ്ട് അയ്യായിരങ്ങളെ തീറ്റിപ്പോറ്റിയ വചനഭാഗത്തിന്റെ ഓര്മ്മയാണ് ഈ ഗാനം നമ്മില് ഉണര്ത്തുന്നത്.ക്രിസ്തുവിന്റെ മുമ്പിലിരിക്കുവാനുളള ക്ഷണമാണ് ഈ ഗാനം ശ്രോതാക്കള്ക്ക് നല്കുന്നത്.
എസ്. തോമസ് രചനയും ഈണവും നിര്വഹിച്ച ഗാനം ആലപിച്ചിരിക്കുന്നത് റിയാലിറ്റി ഷോയിലൂടെ പ്രശസ്തനാവുകയും പിന്നീട് വൈദികവൃത്തി തിരഞ്ഞെടുക്കുകയും ചെയ്ത ബിബിന് ജോര്ജാണ്.ഫാ. ബിബിന്റെ സ്വര്ഗ്ഗീയസ്പര്ശം ഈ ഗാനത്തിലുംപ്രകടമാണ്. പ്രിന്സ് ജോസഫിന്റേതാണ് ഓര്ക്കസ്ട്രേഷന്.
പ്രാര്ത്ഥനപോലെ അനുഭവം സമ്മാനിക്കുന്ന ഈ ഗാനം കേള്ക്കാന് ലിങ്ക് ചുവടെ കൊടുക്കുന്നു.