ആരാധനക്രമ വത്സരത്തിലെ ഏലിയാ ശ്ലീഹാ മൂശക്കാലത്തിലൂടെയാണ് നാം ഇപ്പോള് കടന്നുപോകുന്നത്. സെപ്തംബര് 14 ന് ആചരിക്കുന്ന കുരിശിന്റെ പുകഴ്ചയുടെ തിരുനാളാണ് ഏലിയാ ശ്ലീവാ മൂശക്കാലങ്ങളുടെ കേന്ദ്രബിന്ദു.
ഈശോയുടെ രൂപാന്തരീകരണ വേളയില് കാണപ്പെട്ട മൂശെയും ഏലിയായും പഴയനിയമത്തെയുംസ്ലീവാ പഴയനിയമപൂര്ത്തീകരണമായ ഈശോയെയും പ്രതിനിധാനം ചെയ്യുന്നു. സ്ലീവായുടെ വിജയവും കര്ത്താവിന്റെ ദ്വിതീയാഗമനവും അന്ത്യവിധിയുമാണ് ഏലിയാ സ്ലീവാ മൂശെക്കാലങ്ങളിലെ വിചിന്തനവിഷയങ്ങള്. കര്ത്താവിന്റെ രണ്ടാമത്തെ വരവിനായി ഒരുങ്ങാനാണ് ഈ കാലം സഭ നമ്മോട് ആവശ്യപ്പെടുന്നത്. രൂപാന്തരീകരണവേളയില് മൂശെയുടെയും ഏലിയായുടെയും മധ്യത്തില് നിലകൊണ്ട മഹത്വീകൃതനായ ഈശോയുടെ പ്രതീകമാണ് സ്ലീവ. അതുകൊണ്ടാണ് ഏലിയ ഈശോ മൂശെ എന്ന് പറയാതെ ഏലിയാ സ്ലീവ മൂശെ എന്ന് ഇക്കാലത്തെക്കുറിച്ച് പറയുന്നത്.
കുരിശില് മരിച്ച് ഉത്ഥാനത്തിന്റെ മഹത്വത്തിലേക്ക് പ്രവേശിച്ചവനെ അനുഗമിക്കുന്നവരു കുരിശുവഹിക്കണം എന്നാണ് ഈ കാലംനമ്മെ അനുസ്മരിപ്പിക്കുന്നത്.
