മോണ്ട് സെനിസ് തുരങ്കത്തിനടുത്തുള്ള മൊഡെയ്നും ചേംബറിക്കും ഇടയിലുള്ള ഒരു ചെറിയ കുന്നിലാണ് സാവോയിയിലെ ഔര് ലേഡി ഓഫ് മ്യാന്സ് സ്ഥിതി ചെയ്യുന്നത്. ദേവാലയത്തിന്റെ മണിമാളികയുടെ മുകളില്സ്ഥാപിച്ചിരിക്കുന്ന പരിശുദ്ധ അമ്മയുടെ ഒരു വലിയ രൂപം ഉള്ളതിനാല് ഇത് എളുപ്പത്തില് തിരിച്ചറിയാന് കഴിയും. പതിമൂന്നാം നൂറ്റാണ്ട് മുതല് ഈ ദേവാലയം ഒരു തീര്ത്ഥാടന കേന്ദ്രമാണ.
1248ല് സംഭവിച്ച ഒരു അത്ഭുതത്തോടെയാണ് ഈ പള്ളി പ്രശസ്തമായത്. ആ വര്ഷം നവംബര് 24ന് വൈകുന്നേരം ഒരു വലിയ ഭൂകമ്പം ഈ പ്രദേശത്തെ പിടിച്ചുകുലുക്കി, ചാര്ട്ര്യൂസ് മാസിഫിലെ ഏറ്റവും ഉയരം കൂടിയ പര്വതമായ മോണ്ട് ഗ്രാനിയര് വലിയ പാറക്കല്ലുകളായി വിഘടിച്ച് താഴ്വരയിലേക്ക് ഇടിഞ്ഞുവീണു. ഈ പാറകളില് ചിലത് ഒരു വീടിന്റെ വലിപ്പമുള്ളതായിരുന്നു, 16 ഗ്രാമങ്ങള് തകര്ന്നു, 5,000 പേര്ക്ക് ജീവന് നഷ്ടപ്പെട്ടു. പക്ഷേ, മ്യാന്സിലെ പള്ളിക്ക് കേടുപാടുകള് സംഭവിച്ചില്ല, എന്നിരുന്നാലും ഭീമാകാരമായ പാറകള് പള്ളിയുടെ വാതില്ക്കല് തന്നെ പെട്ടെന്ന് നിര്ത്തി. ഈ പാറകളില് ചിലത് ഇപ്പോഴും പള്ളിയുടെ ഗ്രൗണ്ടിന് ചുറ്റും കാണാം.
1534ല്, ജെനോവയില് നിന്ന് ലെഗോണിലേക്ക് പോകുകയായിരുന്നു ഒരു കപ്പല്. കൊടുങ്കാറ്റില് അപകടത്തില്പ്പെട്ട് കപ്പല് മുങ്ങാന് സാധ്യതയുണ്ടെന്ന് തോന്നിയപ്പോള്, ജീന് ഗ്രാന്ഡിസ് സാവോയിയിലെ രാജ്ഞിയായ ഔര് ലേഡി ഓഫ് മ്യാന്സിനെ വിളിച്ചു. തിരമാലകളില് ആടിയുലഞ്ഞ കപ്പല് മുങ്ങിയെങ്കിലും ജീന് ഗ്രാന്ഡിസ്് രക്ഷപ്പെട്ടു. ഫ്രഞ്ച് വിപ്ലവകാലത്ത് ദേവാലയംപാതിയോളം നശിപ്പിക്കപ്പെട്ടു. പക്ഷേ മാതാവിന്റെ രൂപം സംരക്ഷിക്കപ്പെടുകയും പിന്നീട് പുനസ്ഥാപിക്കപ്പെടുകയും ചെയ്തു.
