ഓര്ഡര് ഓഫ് ദ ഇമ്മാക്കുലേറ്റ് കണ്സെംപ്ഷന് അറിയപ്പെടുന്നത് കണ്സെംപഷനിസ്റ്റുകള് എന്നാണ്. സില്വായിലെ വിശുദ്ധ ബിയാട്രീസാണ് ഇതിന്റെ സ്ഥാപക. പുവര് ക്ലാരയുടെ നിയമാവലികളാണ് ഇവര് അനുവര്ത്തിക്കുന്നത്. 1511 മുതല്ക്കാണ് ഒരു പ്രത്യേക സന്ന്യാസിനീ സമൂഹമായി ഇവര് അംഗീകരിക്കപ്പെട്ടത്. സില്വായിലെ വിശുദ്ധ ബിയാട്രീസ് പോര്ച്ചുഗീസുകാരിയായ ഒരു കുലീനസ്ത്രീയായിരുന്നു. അതീവസുന്ദരിയായിരുന്ന ബിയാട്രീസിന്റെ സൗന്ദര്യം രാജ്ഞിയെ അസൂയാലുവാക്കുകയും തന്മൂലം ബിയാട്രീസിനെ ജയിലില് അടയ്ക്കുകയും ചെയ്തു.
ജയിലില് വച്ച് പരിശുദ്ധ അമ്മ ബിയാട്രീസിന് പ്രത്യക്ഷപ്പെടുകയും അമ്മയുടെ ബഹുമാനാര്ത്ഥം സ്്ത്രീകള്ക്കുവേണ്ടി ഒരു സന്യാസിനീസമൂഹം ആരംഭിക്കാന് നിര്ദ്ദേശിക്കുകയും ചെയ്തു. 1484 ല് ബിയാട്രീസും പന്ത്രണ്ടുപേരും കൂടി ടോളെഡോയില് ഒരു ആശ്രമംസ്ഥാപിക്കുകയും ചെയ്തു. മാതാവ് ബിയാട്രീസിന് നല്കിയ ദര്ശനപ്രകാരം ശിരോവസ്ത്രവും ഇളം നീല നിറത്തോടുകൂടിയ മേല്വസ്ത്രവും ധരിച്ചു. 1489 ല് ഇന്നസെന്റ് എട്ടാമന് സിസ്റ്റേറിയന് നിയമം അനുസരിച്ച് ജീവിക്കാനുള്ള അനുവാദം സിസ്റ്റേഴ്സിന് നല്കി. 1511 ല് ജൂലിയസ് രണ്ടാമന് ഈ സമൂഹത്തിന് സ്വന്തമായി ഒരു നിയമാവലി നല്കുകയും ഫ്രിയേഴ്സ് മൈനറിന്റെ ജനറല് മിസ്റ്ററിന്റെ സംരക്ഷണത്തിന് കീഴിലാക്കുകയും ചെയ്തു.
തുടര്ന്ന് ഇവര് ഫ്രാന്സിസ്ക്കന് കണ്സെപ്ഷനിസ്റ്റുകള് എന്ന് അറിയപ്പെടാനാരംഭിച്ചു. 1507 ല് രണ്ടാമത്തെ ആശ്രമം സ്ഥാപിതമായി. 1976 ല് പോപ്പ് പോള് ആറാമന് മദര് ബിയാട്രീസിനെ വിശുദ്ധയായി പ്രഖ്യാപിച്ചു. ഓഗസ്ററ് 17 ന് തിരുനാള് ആചരിക്കുന്നു.
