പ്രഭാതം മനോഹരമാകുന്നത് ദൈവികചിന്തകളോടെ ആരംഭിക്കുമ്പോഴാണ്. കഴിഞ്ഞ ദിവസത്തെ പല ഭാരങ്ങളും ഇറക്കിവയ്ക്കാതെയാണ് നാം പ്രഭാതത്തിലേക്ക് കണ്ണുതുറക്കുന്നതെങ്കില് പുതിയ പ്രഭാതത്തിലും സന്തോഷിക്കാന് നമുക്ക് കഴിയില്ല. ദൈവികമായ ചിന്തയും ദൈവികമായ ആശ്രയത്വവുമാണ് പ്രഭാതങ്ങളെ മനോഹരമാക്കുന്നത്.
അതുകൊണ്ട് പ്രഭാതത്തില് നമുക്ക് സങ്കീര്ത്തനകാരനൊപ്പം ഇങ്ങനെ പ്രാര്തഥിക്കാം:
കര്ത്താവേ എന്റെ പ്രാര്ത്ഥന ചെവിക്കൊള്ളണമേ. എന്റെ നെടുവീര്പ്പുകള് ശ്രദ്ധിക്കണമേ. എന്റെ രാജാവേ എന്റെ ദൈവമേ, എന്റെ നിലവിളിയുടെസ്വരം ശ്രവിക്കണമേ. അങ്ങയോടാണല്ലോ ഞാന് പ്രാര്ത്ഥിക്കുന്നത്. കര്ത്താവേ പ്രഭാതത്തില് അങ്ങ് എന്റെ പ്രാര്ത്ഥന കേള്ക്കുന്നു. പ്രഭാതബലി ഒരുക്കി ഞാന് അങ്ങേക്കായി കാത്തിരിക്കുന്നു. ( സങ്കീ 5:1-3)