ഏതു നിമിഷമാണ് നമ്മെ മരണം പിടികൂടുന്നതെന്ന് നമുക്കാര്‍ക്കും അറിയില്ല. ഇതെഴുതിപൂര്‍ത്തിയാക്കും മുമ്പേ ചിലപ്പോള്‍ ഞാന്‍ മരിച്ചേക്കാം. വായിച്ചൂപൂര്‍ത്തിയാക്കുന്നതിന് മുമ്പേ നിങ്ങളും. എന്നിട്ടും അതൊന്നും അറിയാതെയും ഓര്‍മ്മിക്കാതെയും നാം ഇഹലോകജീവിതത്തിലെ പല ക്ഷണികസുഖങ്ങളുടെയും പിന്നാലെ പരക്കം പായുന്നു. സന്തോഷങ്ങള്‍ നേടിയെടുക്കാന്‍ ശ്രമിക്കുന്നു. അപ്പോഴെല്ലാം നമുക്കൊരു മരണമുണ്ടെന്ന ചിന്തയുള്ളത് നല്ലതാണ്. ഓരോ ദിവസവും ഇങ്ങനെ മരണത്തിന് വേണ്ടി പ്രാര്‍ത്ഥിക്കുന്നതും.
ഈശോ മറിയം യൗസേപ്പ് എന്റെ ഹൃദയത്തെയും ആത്മാവിനെയും നിങ്ങള്‍ക്ക് ഞാന്‍ ഭരമേല്പിക്കുന്നു
ഈശോ മറിയം യൗസേപ്പേ എന്റെ അവസാനവേദനയില്‍ എന്നെ സഹായിക്കണമേ
ഈശോ മറിയം യൗസേപ്പേ സമാധാനത്തോടെ എന്റെ ആത്മാവിനെ നിങ്ങളുടെ കരങ്ങളില്‍ ഞാന്‍ സമര്‍പ്പിക്കുന്നു
എല്ലാ ദിവസവും ഈ പ്രാര്‍ത്ഥന നമ്മുടെ കൂടെയുണ്ടായിരിക്കട്ടെ.
