ഫത്തേര്‍പൂര്‍: മതപരിവര്‍ത്തന നിയമത്തില്‍ നി്ന്ന് വ്യതിചലിക്കുന്നുവെന്ന് ആരോപിച്ച് അറസ്റ്റ് ചെയ്യുന്ന സംഭവങ്ങള്‍ വര്‍ദ്ധിച്ചുവരുന്നതില്‍ ക്രൈസ്തവര്‍ ആശങ്ക പ്രകടിപ്പിച്ചു. ആന്റികണ്‍വേര്‍ഷന്‍ നിയമം ക്രൈസ്തവരെ സംബന്ധിച്ച് വളരെ ദുരിതം സമ്മാനിക്കുന്നവയായി മാറിയിരിക്കുന്നു.
ക്രൈസ്തവ നേതാക്കളുടെ പ്രതികരണങ്ങളില്‍ പറയുന്നു. ഒക്ടോബര്‍ നവംബര്‍ മാസങ്ങളിലായി 14 പേരെയാണ് ഈ നിയമത്തിന്റെ മറവില്‍ പോലീസ് അറസ്റ്റ് ചെയ്്തിരിക്കുന്നത്. 70 പേര്‍ പങ്കെടുത്തിരുന്ന ഒരു പ്രാര്‍ത്ഥനായോഗത്തില്‍വച്ച് 26 പേരെ ഇതിന് മുമ്പ് പോലീസ് അറസ്റ്റ് ചെയ്തിരുന്നു. ഇവര്‍ക്കെല്ലാം കോടതിജാമ്യം അനുവദിച്ചിരുന്നു.
എന്നാല്‍ ഏറ്റവുംപുതിയ അറസ്റ്റില്‍ 14 പേര്‍ക്ക് ജാമ്യംനിഷേധിച്ചിരിക്കുകയാണ്. ഈ സാഹചര്യത്തില്‍ ഹൈക്കോടതിയെ സമീപിക്കാന്‍ തീരുമാനിച്ചിരിക്കുകയാണ് ക്രൈസ്തവര്‍. മിഷനറി സ്‌കൂളിലും ഹോസ്പിറ്റലുകളിലും ജോലിയും അഡ്മിഷനും വാഗ്ദാനം ചെയ്ത് ഹിന്ദുക്കളെ ക്രിസ്തുമതത്തിലേക്ക്പരിവര്‍ത്തനം ചെയ്യുകയാണെന്നാണ് ആരോപണം, സാമ്പത്തികമായി സഹായിക്കുന്നതായും ആരോപണമുണ്ട്. ക്രൈസ്തവര്‍ ഈ ആരോപണങ്ങളെല്ലാം നിഷേധിച്ചിരിക്കുകയാണ്.
ഞങ്ങളുടെ വിശ്വാസമാണ് ഇവിടെ ചോദ്യംചെയ്യപ്പെടുന്നത്. വിശ്വാസത്തില്‍ നിലനിന്നുപോരുക എന്നത് വലിയ ബുദ്ധിമുട്ടാണ്. അവര്‍പറയുന്നു.
200 മില്യന്‍ ജനസംഖ്യയുള്ള ഉത്തര്‍പ്രദേശില്‍ 0.18 ശതമാനം മാത്രമാണ് ക്രൈസ്തവര്‍.
