വത്തിക്കാന്‍ സിറ്റി: ആത്മീയ ജീവിതത്തിന് ആവശ്യമായ അടിസ്ഥാന പുണ്യമാണ് എളിമ. എന്നാല്‍ മാധ്യമപ്രവര്‍ത്തകര്‍ക്കും അത് വളരെ അത്യാവശ്യമാണ്എന്ന് ഫ്രാന്‍സിസ് മാര്‍പാപ്പ.
മാധ്യമപ്രവര്‍ത്തകരുടേത് വലിയൊരു ഉത്തരവാദിത്തമാണ്. ഒരു പത്രപ്രവര്‍ത്തകന് അത്യാവശ്യം ഉണ്ടായിരിക്കേണ്ട ചില ഗുണങ്ങളുണ്ട്. പ്രഫഷനലിസം, എഴുതാനുള്ളകഴിവ്, അന്വേഷണാത്മകതയും ശരിയായ ചോദ്യങ്ങള്‍ ചോദിക്കാനുള്ള കഴിവും. എന്നാല്‍ ഈ കഴിവുകള്‍ക്കെല്ലാം അപ്പുറമാണ് എളിമ.
പത്രപ്രവര്‍ത്തകരുടെ പ്രവര്‍ത്തനങ്ങളുടെ മൂലക്കല്ലായി മാറാന്‍ എളിമയ്ക്ക് കഴിയും. വിവിധ മാധ്യമങ്ങളിലൂടെ നിങ്ങള്‍ക്ക് നന്മ ചെയ്യാന്‍ കഴിയും. പക്ഷേ നിങ്ങള്‍ ശ്രദ്ധാലുക്കളും വിവേകികളുമല്ലെങ്കില്‍ മറ്റുള്ളവരിലേക്ക് തിന്മ കയറിക്കൂടും. ചിലപ്പോള്‍ സമൂഹം ഒന്നാകെയും.പാപ്പ ഓര്‍മ്മിപ്പിച്ചു.
