പത്തനംതിട്ട: മാര്‍ത്തോമ്മാ സഭ വലിയ മെത്രാപ്പോലീത്ത പത്മഭൂഷണ്‍ ഡോ. ഫിലിപ്പോസ് മാര്‍ ക്രിസോസ്റ്റം കാലം ചെയ്തു. 103 വയസായിരുന്നു. തിരുവല്ലയിലെ സ്വകാര്യ ആശുപത്രിയിലായിരുന്നു അന്ത്യം. കബറടക്കം നാളെ.
ലോകത്തിലെ തന്നെ ഏറ്റവും പ്രായം കൂടിയ മെത്രാപ്പോലീത്തയായിരുന്നു ഫിലിപ്പോസ് മാര്‍ ക്രിസോസ്റ്റം. ഏപ്രില്‍ 27 നായിരുന്നു അദ്ദേഹത്തിന് 104 വയസ് തികഞ്ഞത്. ശാരീരിക ക്ഷീണത്തെ തുടര്‍ന്ന് വെളളിയാഴ്ച ആശുപത്രിയില്‍ പ്രവേശിപ്പിക്കപ്പെട്ട അദ്ദേഹം ചൊവ്വാഴ്ച ആശുപത്രി വിട്ടിരുന്നു. പക്ഷേ മരണം അദ്ദേഹത്തിന് തൊട്ടുപിന്നാലെയുണ്ടായിരുന്നു.
ചിരിക്കുകയും ചിരിപ്പിക്കുകയും ചെയ്ത മാര്‍ ക്രിസോസ്റ്റമിന്റെ് ധന്യമായ ഓര്‍മ്മകള്‍ക്കു മുമ്പില്‍ മരിയന്‍ പത്രം ആദരപൂര്‍വ്വം ശിരസ് നമിക്കുന്നു. അദ്ദേഹത്തിന്റെ ആത്മാവിന് വേണ്ടി പ്രാര്‍ത്ഥിക്കുകയും ചെയ്യുന്നു.
