ഉറങ്ങിയെണീല്ക്കാന്‍ ബുദ്ധിമുട്ടുള്ള പലരുമുണ്ട് നമുക്കിടയില്‍. ഇനിയും ഇത്തിരി നേരംകൂടി ഉറങ്ങാം എന്ന് മടിവിചാരിച്ച് കിടക്കയില്‍ തന്നെ ചുരുണ്ടുകൂടുന്നവര്‍. അതുപോലെ ഒരു ദിവസത്തേക്ക് മുഴുവനും ആവശ്യമായ ശക്തി സംഭരിക്കാന്‍ കഴിവില്ലാത്തവരും ധാരാളം. ഇങ്ങനെയുള്ളവരെയെല്ലാം സഹായിക്കുന്ന എളുപ്പവഴിയാണ് പ്രഭാതപ്രാര്‍ത്ഥന. ഇവിടെ നാം ആ ദിവസത്തെ നേരിടാനുള്ള മുഴുവന്‍ ശക്തിക്കും വേണ്ടി ദൈവത്തോട് അപേക്ഷിക്കുകയാണ്. ദൈവികകൃപയാല്‍ നിറയപ്പെടാന്‍ വേണ്ടി യാചിക്കുകയാണ്.
ഓരോ പ്രഭാതത്തിലും നമുക്ക് ചൊല്ലാന്‍ സഹായകവും എളുപ്പവുമായ ഒരു പ്രാര്‍ത്ഥന ചുവടെ ചേര്‍ക്കുന്നു. ഏശയ്യായുടെ പുസ്തകത്തിലെയാണ് ഈ പ്രാര്‍ത്ഥന. വെറുമൊരു പ്രാര്‍ത്ഥന എന്നതിനപ്പുറം തിരുവചനമാണ് നാം ഏറ്റുപറഞ്ഞ് പ്രാര്‍ത്ഥിക്കുന്നത് എന്നതുകൊണ്ട് ഈ പ്രാര്‍ത്ഥനയ്ക്ക് പ്രത്യേക ശക്തിയുണ്ട്.
കര്‍ത്താവേ ഞങ്ങളോട് കരുണയുണ്ടാകണമേ. ഞങ്ങള്‍ അങ്ങേയ്ക്കുവേണ്ടി കാത്തിരിക്കുന്നു. ഓരോ പ്രഭാതത്തിലും ഞങ്ങളുടെ കരവും കഷ്ടതയുടെ കാലത്ത് ഞങ്ങളുടെ രക്ഷയും ആയിരിക്കണമേ.
( ഏശയ്യ 33: 2)
