നാം കാണുന്നതിനും മനസ്സിലാക്കുന്നതിനും അപ്പുറമാണ് ഒരു വൈദികന്റെ കടമകള്‍. വൈദികാര്‍ത്ഥിക്കുവേണ്ടി കൈവയ്പ് ശുശ്രൂഷയിലൂടെ പൗരോഹിത്യം നല്കുമ്പോള്‍ മെത്രാന്‍ നടത്തുന്ന പ്രാര്‍ത്ഥനയില്‍ ഇക്കാര്യം ഉള്‍ക്കൊള്ളിച്ചിട്ടുണ്ട്. പ്രധാനമായും താഴെപ്പറയുന്നവയാണ് വൈദികന്റെ കടമകള്‍.
- രോഗികളുടെ മേല്‍ കൈവച്ച് സുഖപ്പെടുത്താന്‍
- സഭയില്‍ പ്രാര്‍ത്ഥനയുടെയും കൃതജ്ഞതയുടെയും ബലി അര്‍പ്പിക്കുവാന്‍
- നിര്‍മ്മല ഹൃദയത്തോടും ശുദ്ധമനസ്സാക്ഷിയോടും വിശ്വാസികളെ നിഗൂഢമായി ജനിപ്പിക്കാന്‍
- മാമ്മോദീസാ നല്കി പാപമോചനം പകരുവാന്‍
- ദൈവനാമ സ്തുതിക്കായി സഭാമക്കളെ പുണ്യപ്രവൃത്തികള്‍കൊണ്ട് അലങ്കരിക്കുവാന്‍, ഈ ശുശ്രൂഷയ്ക്കുള്ള പ്രതിഫലമായി വരാനിരിക്കുന്ന ലോകത്തില്‍ പ്രസന്നവദനരായിരിക്കുവാന്‍
- ഈശോയുടെകൃപകളും അനുഗ്രഹങ്ങളും വഴി കര്‍ത്താവിന്റെ സിംഹാസനത്തിന്റെ മുമ്പാകെ നില്‍ക്കുവാന്‍
