ന്യൂഡല്‍ഹി: ക്രൈസ്തവര്‍ക്കും ക്രൈസ്തവസ്ഥാപനങ്ങള്‍ക്കും എതിരെ നടക്കുന്ന അതിക്രമങ്ങളെക്കുറിച്ച് സുപ്രീംകോടതി റിപ്പോര്ട്ട് തേടി. മൂന്നാഴ്ചയ്ക്കുള്ളില്‍ ഇതുസംബന്ധിച്ച് റിപ്പോര്ട്ട് സമര്‍പ്പിക്കാനാണ് കോടതി നിര്‍ദ്ദേശം.
ആറു സംസ്ഥാനങ്ങള്‍ക്കാണ് ഇത് ബാധകം. ബിഹാര്‍, ഛത്തീസ്ഘട്ട്, ജാര്‍ഖണ്ഡ്, ഒഡീഷ, കര്‍ണ്ണാടക, മധ്യപ്രദേശ്, യു പി എന്നിവയാണ് ഈ സംസ്ഥാനങ്ങള്‍. സംസ്ഥാനങ്ങളിലെ ചീഫ് സെക്രട്ടറിമാരാണ് റിപ്പോര്ട്ട് സമര്‍പ്പിക്കേണ്ടത്.
ക്രൈസ്തവര്‍ക്കെതിരെ നടക്കുന്ന അക്രമങ്ങളെ സംബന്ധിച്ചുള്ള ആരോപണങ്ങള്‍ തെറ്റാണെന്നാണ് കേന്ദ്രസര്‍ക്കാറിന്റെ സത്യവാങ്മൂലം. ബെംഗളൂര് ആര്‍ച്ച് ബിഷപ് ഡോ. പീറ്റര്‍ മച്ചാഡോയും നാഷനല്‍ സോളിഡാരിറ്റി ഫോറം,ഇവാഞ്ചലിക്കല്‍ ഫെലോഷിപ്പ് ഓഫ് ഇന്ത്യ എന്നിവ സമര്‍പ്പിച്ച ഹര്‍ജിയിന്മേലാണ് സുപ്രീംകോടതിയുടെ ഈ ഉത്തരവ്.
