ജീവിതത്തില്‍ പലപല കാര്യങ്ങളുടെയും പേരില്‍ ദുര്‍ബലരായി പോകുന്നവരാണ് നാം പലരും. അപ്രതീക്ഷിതമായ ചിലസംഭവവികാസങ്ങള്‍.. അവിചാരിതമായ ചില ഇടപെടലുകള്‍.ദുരിതങ്ങള്‍, ദുരന്തങ്ങള്‍,,രോഗങ്ങള്‍.. സാമ്പത്തികത്തകര്‍ച്ച,വേര്‍പാട്.. ഇങ്ങനെ എന്തെല്ലാം…
നഷ്ടധൈര്യരായി പോകുന്നവയാണ് ഈ അവസരങ്ങളോരോന്നും. കരുതിവച്ച കരുത്തെല്ലാം ചോര്‍ന്നുപോകും. സഹായം ചോദിച്ച മനുഷ്യരും നമ്മെ സ്‌നേഹിക്കുന്നവരെന്ന് കരുതിയവരുമെല്ലാം നമ്മെ കൈവിട്ടുപോകും. അത്യന്തം ദയനീയവും നിസ്സഹായവുമായ അവസ്ഥ ഇത്തരം അവസരങ്ങളെ നാം മുന്‍കൂട്ടി കാണണം.
അതുകൊണ്ട് എല്ലാ ദിവസവും പ്രഭാതത്തില്‍ നാം ഈ തിരുവചനം ഉറക്കെ പറഞ്ഞ് ശക്തിപ്രാപിക്കണം. ദൈവത്തില്‍ ആശ്വാസവും അഭയവും പ്രതീക്ഷയും പ്രത്യാശയും കണ്ടെത്തണം. ഏതാണ് ഈ വചനം എന്നല്ലേ?
കര്‍ത്താവാണ് എന്റെ സഹായകന്‍. ഞാന്‍ ഭയപ്പെടുകയില്ല. മനുഷ്യന് എന്നോട് എന്തു ചെയ്യാന്‍ കഴിയും( ഹെബ്രാ 13:6)
ഈ വചനം നമ്മുടെ ഉള്ളില്‍ ശക്തിയായി നിറയട്ടെ. കരുത്തായി മാറട്ടെ
