സ്വര്‍ഗ്ഗാരോഹണതിരുനാളുമായി ബന്ധപ്പെട്ട ചില കാര്യങ്ങള്‍ നാം അറിഞ്ഞിരിക്കേണ്ടതുണ്ട്. പ്രധാനമായും തിരുവചനം ഈ സംഭവം രേഖപ്പെടുത്തിയിട്ടുണ്ട്. അപ്പസ്‌തോലപ്രവര്‍ത്തനം 1:9-11 ലാണ് ഇത് രേഖപ്പെടുത്തിയിരിക്കുന്നത്.
ഈസ്റ്ററിന് നാല്പത് ദിവസങ്ങള്‍ക്ക് ശേഷവും പെന്തക്കുസ്തായ്ക്ക് ഒമ്പതു ദിവസങ്ങള്‍ക്ക് മുമ്പുമാണ് ഈശോ സ്വര്‍ഗ്ഗാരോഹണം ചെയ്തത്.. ക്രൈസ്തവരുടെ ഏക ലക്ഷ്യം സ്വര്‍ഗ്ഗപ്രാപ്തിയാണെന്നും ക്രിസ്തു രണ്ടാമതൊരിക്കല്‍കൂടി വരുമെന്നും ഈ സംഭവം പറഞ്ഞുതരുന്നു.
ഈശോ പിതാവിന്റെ അടുക്കലേക്ക് തന്നെ പോയെന്നും പിതാവിന്റെ വലതുഭാഗത്താണ് അവിടുത്തെ സ്ഥാനമെന്നും സ്വര്‍ഗ്ഗാരോഹണതിരുനാള്‍ നമുക്ക് പറഞ്ഞുതരുന്നു.
