ക്രിസ്തുമസ് ദിവസങ്ങള്‍ അടുത്തുവരികയാണല്ലോ. ക്രിസ്തുമസിനായി നാം ആത്മീയമായി ഒരുക്കങ്ങള്‍ നടത്തിക്കൊണ്ടിരിക്കുകയുമാണ്. ഈ പ്രത്യേക അവസരത്തില്‍ നാം ഓര്‍മ്മിക്കേണ്ട ഒരു കാര്യമുണ്ട്. മറ്റേതൊരു സന്യാസസഭയെക്കാളും കൂടുതലായി ക്രിസ്തുമസുമായി അടുത്തുനില്ക്കുന്ന ഒരു സഭയാണ് ഫ്രാന്‍സിസ്‌ക്കന്‍ സഭ.
ക്രിസ്തുമസും ഫ്രാന്‍സിസ്‌ക്കന്‍സഭയുമായിട്ടുള്ള ഒരു പ്രത്യേക ബന്ധമാണ് ഇതിന് കാരണം. ഈ കാരണം എന്താണെന്ന് വച്ചാല്‍ ലോകത്തില്‍ ആദ്യമായി പുല്‍ക്കൂട് നിര്‍മ്മിച്ചത് അസ്സീസിയിലെ വിശുദ്ധ ഫ്രാന്‍സിസാണ്. പുല്‍ക്കൂട്ടിലെ ഉണ്ണീശോയോടും മാതാവിനോടും വിശുദ്ധന്‍ അഗാധമായ ഭക്തിയും സ്‌നേഹവും പ്രകടിപ്പിച്ചിരുന്നു. ആഗമനകാലം മുഴുവനും അവിടുന്ന് പ്രത്യേകമായവിധത്തില്‍ നോമ്പ് നോല്ക്കുകയും ചെയ്തിരുന്നു.
