ദൈവദാസി സിസ്റ്റര് ക്ലെയര് ക്രോക്കറ്റ് സന്തോഷകരമായ ക്രിസ്തീയ ജീവിതത്തിന് നിര്ദ്ദേശിക്കുന്ന മാര്ഗങ്ങള് ഇവയാണ്
വ്യക്തിപരമായ മാനസാന്തരത്തിന്റെ ശക്തി: പാപകരമായ ജീവിതത്തിലൂടെ പോയ ഒരു കൗമാരകാലം സിസ്റ്റര് ക്ലെയര് ക്രോക്കറ്റിനുണ്ടായിരുന്നു. എന്നാല് ദൈവസ്വരം കേട്ടപ്പോള് പാപത്തിന്റെ വഴികള് വിട്ട ആ സ്വരത്തിന് ഉത്തരം കൊടുക്കാന് ക്ലെയര് തയ്യാറായി. അതുപോലെ നമ്മളും പാപവഴികളില് നിന്ന് പിന്തിരിയുക.
വര്ത്തമാനകാലത്തില് നന്ദിയോടെ ജീവിക്കുക: ജീവിതപരിസരങ്ങളില് എത്രയോ നന്ദിപറയാനുള്ള അവസരങ്ങളുണ്ട് നാം ഓരോരുത്തര്ക്കും. എന്നാല് എത്രപേര് ദൈവത്തിന് നന്ദി പറയുന്നുണ്ട്. വര്ത്തമാനത്തില് കിട്ടുന്ന എല്ലാ നന്മകളുടെയും പേരില് ദൈവത്തിന് നന്ദിപറയുമ്പോള് അത് നമ്മുടെ മനസ്സില് സന്തോഷം നിറയ്ക്കും.
ചെറിയകാര്യങ്ങളിലും വിശ്വസ്തരായിരിക്കുക: വലിയ കാര്യങ്ങളില് മാത്രമല്ല ചെറിയ കാര്യങ്ങളിലും വിശ്വസ്തത പുലര്ത്തുക.
ദൈവവുമായി ബന്ധം സ്ഥാപിക്കുക
ദൈവവുമായി ബന്ധം സ്ഥാപിക്കുന്ന ഒരാളുടെ ഉള്ളിലെസന്തോഷം ഒരിക്കലും അസ്തമിക്കുകയില്ല.