കഹോര്‍സില്‍ നിന്ന് അല്‍പ്പം അകലെയുള്ള റോക്കമഡോര്‍ മാതാവിന്റെ തീര്‍ത്ഥാടനകേന്ദ്രം ക്വെര്‍സിയുടെ ഏറ്റവും ഫലഭൂയിഷ്ടമായ പര്‍വതപ്രദേശത്താണ് സ്ഥിതി ചെയ്യുന്നത്. ഒരു കാലത്ത് ഇരുണ്ട താഴ്വര എന്നാണ് റോക്കമഡോറിനെ വിളിച്ചിരുന്നത്. ഓക്കുമരത്തിന്റെ ദ്വാരത്തില്‍ നി്ന്നാണ് ക്രൈസ്തവര്‍ക്ക് മാതാവിന്റെ ഈ രൂപം കിട്ടിയത്. നിരവധിയായ അത്ഭുതങ്ങളുടെ പേരില്‍ ഇവിടേയ്ക്ക് വിശ്വാസികളുടെ ഒഴുക്ക് ആരംഭിച്ചു. അതിന്റെ ചുവട്ടില്‍ ഒരു പട്ടണം രൂപപ്പെട്ടു. ക്വെര്‍സിയിലെ പ്രധാനപ്പട്ടണങ്ങളിലൊന്നായി ഇതു മാറി.
റോക്കമഡോര്‍ മാതാവിന്റെ ദേവാലയത്തിലേക്കുള്ള തീര്‍ത്ഥാടനം ചാര്‍ലിമാഗ്‌നിന്റെ കാലത്തും ആഘോഷിച്ചിരുന്നു; ഈ ചക്രവര്‍ത്തിയുടെ അനന്തരവനായ പ്രശസ്ത നൈറ്റ്എറന്റ് റോളണ്ട് 778ല്‍ റോക്കമഡോറില്‍ എത്തി. അദ്ദേഹം വെള്ളിവാള്‍ മാതാവിന് സമര്‍പ്പിച്ചു. മാതാവിന്റെ ഈ ദേവാലയത്തില്‍ ്പ്രാര്‍ത്ഥിക്കാനെത്തിയവരില്‍ പോപ്പിന്റെ ഡെലിഗേറ്റ് സൈമണ്‍ ഡി മോണ്ട്‌ഫോര്‍ട്ട്,നാര്‍ബോണിലെ ബിഷപ്പായിരുന്ന അര്‍നോള്‍ഡ് അമല്‍റിക്; കാസ്റ്റിലെ രാജ്ഞി ബ്ലാഞ്ചെ, പോര്‍ച്ചുഗലിന്റെ സിംഹാസനം കയറിയ ബൊളോണിലെ കൗണ്ട് അല്‍ഫോണ്‍സസ് എന്നിവര്‍ക്കൊപ്പം സെന്റ് ലൂയിസ്; കിംഗ് ചാള്‍സ് ദി ഫെയര്‍, കിംഗ് ജോണ്‍, ലൂയി പതിനൊന്നാമന്‍ എന്നിവരും ഉള്‍പ്പെടുന്നു.
1592 സെപ്റ്റംബര്‍ 3ന്, ഡ്യൂറാസ് റോക്കമഡോര്‍ കൈവശപ്പെടുത്തി. അവര്‍ കുരിശുകള്‍ തകര്‍ത്തു, രൂപങ്ങള്‍ വികൃതമാക്കി. തിരു വസ്ത്രങ്ങള്‍ കത്തിക്കുകയും കഷണങ്ങളായി കീറുകയും ചെയ്തു.
