കണക്ടികട്: നൈറ്റ്‌സ് ഓഫ് കൊളംബസ് സ്ഥാപകന്‍ ഫാ. മൈക്കല്‍ മഗിവനിയെ വാഴ്ത്തപ്പെട്ടവനായി പ്രഖ്യാപിക്കുന്നതിന് മുന്നോടിയായി നൊവേന പ്രാര്‍ത്ഥന ഇന്നലെ മുതല്‍ ആരംഭിച്ചു. ഒക്ടോബര്‍ 30 ന് നൊവേന സമാപിക്കും. ഹാര്‍ട്ട്‌ഫോര്‍ഡ് സെന്റ് ജോസഫ് കത്തീഡ്രലില്‍ ഒക്ടോബര്‍ 31 ന് ആണ് ഫാ. മൈക്കലിനെ വാഴ്ത്തപ്പെട്ടവനായി പ്രഖ്യാപിക്കുന്നത്.
1882 ലാണ് നൈറ്റ്‌സ് ഓഫ് കൊളംബസ് സ്ഥാപിതമായത്. ലോകത്തിലെ ഏറ്റവും വലിയ സാഹോദര്യ സേവന സംഘടനയാണ് നൈറ്റ്‌സ് ഓഫ് കൊളംബസ്. രണ്ടു മില്യന്‍ അംഗങ്ങള്‍ ഇതിലുണ്ട്. നിലവില്‍ നൈറ്റ്‌സ് ഓഫ് കൊളംബസിലെ ആറ് അംഗങ്ങള്‍ വിശുദ്ധരാണ്.
