കൊച്ചി: ന്യൂനപക്ഷ ക്ഷേമപദ്ധതി ആനുകൂല്യങ്ങളുടെ വിതരണം സംബന്ധിച്ച് 80:20 എന്ന അനുപാതം റദ്ദാക്കിയ ഹൈക്കോടതി ഉത്തരവ് സ്വാഗതം ചെയ്യുന്നതായി കെസിബിസി. ജനസംഖ്യാനുപാതികമായാവണം ക്ഷേമപദ്ധതികളുടെ വിതരണം എന്നത് സ്വാഗതാര്ഹമാണ്.
വിധി ഏതെങ്കിലും ഒരു വിഭാഗത്തിന് എതിരാണെന്ന് കരുതേണ്ടതില്ല. ഹൈക്കോടതി ഈ വിഷയം പഠിച്ചതും വിധി പുറപ്പെടുവിച്ചതും വളരെ നീതിപൂര്വ്വകമാണ്. കെസിബിസി വക്താവ് ഫാ. ജേക്കബ് ജി പാലയ്ക്കാപ്പിളളി പറഞ്ഞു.
അനീതിപരമായ 80:20 എന്ന മാനദണ്ഡം റദ്ദ് ചെയ്ത കേരള ഹൈക്കോടതി വിധി സ്വാഗതാര്ഹമാണെന്നും വിധി ഉടന്തന്നെ നടപ്പിലാക്കണമെന്നും ഇതിന് മേല് അപ്പീല് പോകാതെ ക്രൈസ്തവര് ഉള്പ്പടെയുള്ള ന്യൂനപക്ഷ മതവിഭാഗങ്ങള്ക്ക് തുല്യനീതി ഉറപ്പുവരുത്തുന്ന നടപടിയുമായി സംസ്ഥാന സര്ക്കാര് മുന്നോട്ടു വരണമെന്നു ചങ്ങനാശ്ശേരി അതിരൂപത ജാഗ്രതാ സമിതി പ്രതികരിച്ചു.
