അബൂജ: പീക്ക് മില്‍ക്ക് എന്ന കമ്പനി ദു:ഖവെള്ളിയാഴ്ച പുറത്തിറക്കിയ പരസ്യത്തിന് ഉപയോഗിച്ചത് ക്രിസ്തുവിന്റെ ക്രൂശാരോഹണമെന്ന രൂപകം. രണ്ടുവശവും കുത്തിതുറന്ന ബോട്ടിലും കാരിരുമ്പാണിയുമാണ് പരസ്യത്തില്‍ ഉപയോഗിച്ചിരിക്കുന്നത്. നമുക്കുവേണ്ടി കുത്തിത്തുറക്കുകയും മുറിവേല്ക്കുകയും എന്നതാണ് പരസ്യവാചകം. ദു:ഖവെള്ളിയാഴ്ച എന്നും പരസ്യത്തില്‍ എഴുതിയിട്ടുണ്ട്. ഈ പരസ്യം പുറത്തിറങ്ങിയതോടെ ഇതിനെതിരെ ക്രൈസ്തവര്‍ ശബ്ദമുയര്‍ത്തിയിരുന്നു.
ഒട്ടും അംഗീകരിക്കാനാവാത്തത് എന്നായിരുന്നു ക്രൈസ്തവരുടെ മുഴുവന്‍ പ്രതികരണം. തുടര്‍ന്ന് കമ്പനി പരസ്യം പിന്‍വലിക്കുകയും മാപ്പപേക്ഷ നടത്തുകയും ചെയ്തു.
